Author: Nagaram Network

കൊച്ചി: നിയമസഭ തെരഞ്ഞെടുപ്പുമായി ബന്ധപ്പെട്ട് ഇതുവരെ അന്തിമ തീരുമാനമെടുത്തിട്ടില്ലാത്ത പല മണ്ഡലങ്ങളിലും സിപിഐഎമ്മിൽ ധാരണയായി. യുഡിഎഫ് ശക്തികേന്ദ്രമായ ആലുവ മണ്ഡലത്തിൽ മുൻ എംപി എ എം ആരിഫിനെ സ്ഥാനാർഥിയായി പരിഗണിക്കുന്നതായി വിവരം. അദ്ദേഹം മണ്ഡലത്തിൽ മത്സരിക്കാൻ സാധ്യത കൂടുതലാണെന്നാണ് പാർട്ടി വൃത്തങ്ങൾ സൂചിപ്പിക്കുന്നത്. 2011 മുതൽ തുടർച്ചയായി അൻവർ സാദത്ത് വിജയിച്ച് വരുന്ന മണ്ഡലമാണ് ആലുവ. 2021ലെ നിയമസഭ തെരഞ്ഞെടുപ്പിൽ 18,886 വോട്ടുകൾക്കാണ് അൻവർ സാദത്ത് വിജയിച്ചത്. അടുത്തിടെ നടന്ന തദ്ദേശസ്വയംഭരണ തെരഞ്ഞെടുപ്പിലും മണ്ഡലത്തിലെ എട്ട് പഞ്ചായത്തുകളിലും ഭരണം നേടാൻ യുഡിഎഫിന് കഴിഞ്ഞിരുന്നു. തദ്ദേശ തെരഞ്ഞെടുപ്പിലെ വോട്ടെണ്ണം പ്രകാരം യുഡിഎഫിന് 11,849 വോട്ടുകളുടെ ലീഡുണ്ട്. എന്നിരുന്നാലും ആരിഫിനെ സ്ഥാനാർഥിയാക്കുന്നതിലൂടെ നിയമസഭ തെരഞ്ഞെടുപ്പിൽ യുഡിഎഫിനെ മറികടക്കാനാകുമെന്നാണ് സിപിഐഎമ്മിന്റെ കണക്കുകൂട്ടൽ. ഇതോടൊ...