Kerala News

കണ്ണൂർ: അഞ്ചരക്കണ്ടി ഡെന്റൽ കോളേജ് വിദ്യാർത്ഥി നിതിൻരാജിന്റെ മരണവുമായി ബന്ധപ്പെട്ട കേസിൽ പോലീസ് അന്വേഷണത്തിലെ വീഴ്ചകൾ ചൂണ്ടിക്കാട്ടി രക്ഷിതാക്കൾ സമർപ്പിച്ച ഹർജി ഹൈക്കോടതി ഇന്ന് വീണ്ടും പരിഗണിക്കും. കേസിലെ മുഖ്യപ്രതിയായ ഡോ. എം.കെ. റാമിനെ അറസ്റ്റ് ചെയ്ത നടപടിക്രമങ്ങളിൽ നിയമലംഘനം ഉണ്ടായെന്ന കണ്ടെത്തലിനെ തുടർന്ന് തലശ്ശേരി പ്രിൻസിപ്പൽ സെഷൻസ് കോടതി പ്രതിയെ വിട്ടയച്ചിരുന്നു. ഇതിന് പിന്നാലെയാണ് കേസ് വീണ്ടും ഹൈക്കോടതിയുടെ പരിഗണനയിലെത്തുന്നത്. കഴിഞ്ഞ തവണ ഹർജി പരിഗണിച്ചപ്പോൾ പ്രതിയെ അറസ്റ്റ് ചെയ്യുന്നതിൽ ഉണ്ടായ കാലതാമസത്തെയും അന്വേഷണത്തിലെ വീഴ്ചകളെയും കോടതി വിമർശിച്ചിരുന്നു. മൂന്ന് മാസത്തിലേറെ ഒളിവിൽ കഴിഞ്ഞിരുന്ന ഡോ. എം.കെ. റാമിനെ അറസ്റ്റ് ചെയ്തെങ്കിലും, അറസ്റ്റിന്റെ കാരണം രേഖാമൂലം അറിയിക്കണമെന്ന സുപ്രീം കോടതി നിർദേശം അന്വേഷണ സംഘം പാലിച്ചില്ലെന്നാണ് പ്രതിഭാഗം കോടതിയിൽ വാദിച്ചത്. ഈ വാദം അംഗീകരിച...

തിരുവനന്തപുരം: സംസ്ഥാനത്ത് റാഗിങ് തടയുന്നതിനായി പ്രത്യേക നിയമനിർമാണം കൊണ്ടുവരുമെന്ന് മുഖ്യമന്ത്രി വി.ഡി. സതീശൻ അറിയിച്ചു. മന്ത്രിസഭാ യോഗ തീരുമാനങ്ങൾ വിശദീകരിക്കവെയാണ് മുഖ്യമന്ത്രി ഇക്കാര്യം അറിയിച്ചത്. റാഗിങ്ങിന് ഇരയായി മരിച്ച സിദ്ധാർത്ഥിന്റെ പേരിൽ പ്രത്യേക പരാതി ആപ്പ് പുറത്തിറക്കാനും സർക്കാർ തീരുമാനിച്ചു. വിദ്യാർത്ഥികൾക്ക് നേരിട്ട് പരാതികൾ നൽകാൻ കഴിയുന്ന തരത്തിലായിരിക്കും ആപ്പ് സജ്ജമാക്കുക. വിദ്യാഭ്യാസ സ്ഥാപനങ്ങളിൽ റാഗിങ് സംബന്ധിച്ച പരാതികൾ അതിവേഗം സ്വീകരിക്കാനും നിരീക്ഷിക്കാനും നടപടി സ്വീകരിക്കുമെന്നും മുഖ്യമന്ത്രി വ്യക്തമാക്കി. ആപ്പിലൂടെ ലഭിക്കുന്ന പരാതികളിൽ അടിയന്തര അന്വേഷണം നടത്തി കുറ്റക്കാർക്കെതിരെ കർശന നടപടി സ്വീകരിക്കുമെന്നും അദ്ദേഹം പറഞ്ഞു. റാഗിങ് തടയുന്നതിനുള്ള നിലവിലെ സംവിധാനങ്ങൾ കൂടുതൽ ശക്തിപ്പെടുത്തുന്നതിന്റെ ഭാഗമായാണ് പുതിയ നിയമവും ഡിജിറ്റൽ പരാതി സംവിധാനവും നടപ്പാക്ക...

കൊച്ചി: ഹേമ കമ്മിറ്റി റിപ്പോർട്ടിൽ ഗുരുതര ആരോപണങ്ങൾ നേരിടുന്നവർ താരസംഘടനയായ അമ്മയുടെ നേതൃത്വത്തിലേക്ക് വരാൻ അനുവദിക്കില്ലെന്ന് അമ്മ പ്രസിഡന്റ് ശ്വേത മേനോൻ. സമൂഹമാധ്യമങ്ങളിലൂടെ പങ്കുവെച്ച കുറിപ്പിലാണ് ശ്വേതയുടെ പ്രതികരണം. താൻ സംഘടനയിൽ ഉള്ളിടത്തോളം ആരോപണ വിധേയർ അമ്മയുടെ തലപ്പത്തേക്ക് എത്തില്ലെന്നും അതിനായി ഏത് പരിധിവരെയും പോകുമെന്നും ശ്വേത വ്യക്തമാക്കി. ഹേമ കമ്മിറ്റി റിപ്പോർട്ടിൽ ആരോപണങ്ങൾ നേരിടുന്ന ഒരു വിഭാഗത്തിനെതിരെയാണ് തന്റെ പോരാട്ടമെന്നും ഇത് ഇന്നോ ഇന്നലെയോ തുടങ്ങിയതല്ലെന്നും അവർ പറഞ്ഞു. തനിക്കെതിരെ ഉയരുന്ന രാഷ്ട്രീയ ആരോപണങ്ങൾക്കും ശ്വേത മറുപടി നൽകി. കഴിഞ്ഞ 12 വർഷമായി രാജ്യം ഭരിക്കുന്ന ഒരു ദേശീയ പാർട്ടിക്ക് കേരളത്തിൽ സ്ഥാനാർഥികളെ കണ്ടെത്താൻ തനിക്ക് കോടിക്കണക്കിന് രൂപ നൽകിയെന്ന ആരോപണത്തിന്റെ യുക്തി മനസ്സിലാകുന്നില്ലെന്ന് അവർ പറഞ്ഞു. താൻ ഏതെങ്കിലും രാഷ്ട്രീയ പാർട്ടിയുമായി ബന്ധപ്പ...

തിരുവനന്തപുരം: ക്രമക്കേടാരോപണങ്ങൾ ഉയർന്ന സാഹചര്യത്തിൽ പി.എസ്.സി നടത്തിയ കൂടുതൽ പരീക്ഷകളിലേക്ക് അന്വേഷണം വ്യാപിപ്പിക്കാൻ ക്രൈംബ്രാഞ്ച് തീരുമാനിച്ചു. ഇതിന്റെ ഭാഗമായി മറ്റൊരു നിയമന പരീക്ഷയുടെ വിവരങ്ങൾ കൂടി പ്രത്യേക അന്വേഷണ സംഘം പി.എസ്.സിയോട് ആവശ്യപ്പെട്ടു. കേരള സംസ്ഥാന പിന്നോക്ക വികസന കോർപ്പറേഷനിലെ പ്രോജക്ട് അസിസ്റ്റന്റ് തസ്തികയിലേക്കുള്ള നിയമനവുമായി ബന്ധപ്പെട്ട രേഖകളാണ് ക്രൈംബ്രാഞ്ച് തേടിയിരിക്കുന്നത്. ഈ നിയമനത്തിൽ വ്യാപകമായി പരാതികൾ ഉയർന്നതിനെ തുടർന്നാണ് അന്വേഷണം ആരംഭിക്കാനുള്ള നീക്കം. അതേസമയം, പി.എസ്.സി ആസ്ഥാനത്ത് ക്രൈംബ്രാഞ്ച് പരിശോധന തുടരുകയാണ്. നേരത്തെ ആസൂത്രണ ബോർഡിലെ ഒരു ഉയർന്ന തസ്തികയിലേക്കുള്ള നിയമനവുമായി ബന്ധപ്പെട്ടാണ് ഗുരുതര ക്രമക്കേടാരോപണങ്ങൾ പുറത്തുവന്നത്. 'ചീഫ് (ഇൻഡസ്ട്രി ആൻഡ് ഇൻഫ്രാസ്ട്രക്ചർ)' തസ്തികയിലേക്ക് നടന്ന പരീക്ഷയിൽ ഒന്നാം റാങ്ക് നേടിയ ഉദ്യോഗാർത്ഥിയുടെ ഉത്തരക്ക...

തിരുവനന്തപുരം: നിരക്ക് പരിഷ്കരണവും ബൈക്ക് ടാക്സി സേവനം അവസാനിപ്പിക്കലും ഉൾപ്പെടെയുള്ള ആവശ്യങ്ങൾ ഉന്നയിച്ച് സംസ്ഥാനത്തെ ഓൺലൈൻ ടാക്സി, കാർ ഡ്രൈവർമാർ ഇന്ന് മുതൽ അനിശ്ചിതകാല സമരത്തിലേക്ക്. ഊബർ, ഓല, റാപ്പിഡോ, കേരള സവാരി തുടങ്ങിയ പ്ലാറ്റ്ഫോമുകളുമായി സഹകരിച്ച് പ്രവർത്തിക്കുന്ന ഡ്രൈവർമാരാണ് സമരത്തിന് നേതൃത്വം നൽകുന്നത്. സമരത്തിന്റെ ഭാഗമായി രാവിലെ മുതൽ വാഹനങ്ങൾ കൂട്ടത്തോടെ ഓൺലൈൻ പ്ലാറ്റ്ഫോമുകളിൽ നിന്ന് ഓഫ്‌ലൈൻ ആക്കുമെന്ന് സംഘടനകൾ അറിയിച്ചു. ഇതോടെ ഓൺലൈൻ ടാക്സി സേവനങ്ങളെ ആശ്രയിക്കുന്ന യാത്രക്കാർക്ക് സംസ്ഥാന വ്യാപകമായി ബുദ്ധിമുട്ട് നേരിടേണ്ടി വരുമെന്നാണ് സൂചന. ന്യായമായ നിരക്ക് വർധനവ്, ബൈക്ക് ടാക്സി സേവനം അവസാനിപ്പിക്കൽ, ഡ്രൈവർമാരുടെ വരുമാനം സംരക്ഷിക്കുന്ന നടപടികൾ എന്നിവ ഉൾപ്പെടെ 11 ആവശ്യങ്ങളാണ് സമരക്കാർ മുന്നോട്ടുവെക്കുന്നത്. മുൻപ് നടത്തിയ പ്രതിഷേധത്തെ തുടർന്ന് കമ്പനികൾ പ്രഖ്യാപിച്ചിരുന്ന ചില നി...

കൊച്ചി: നടി അൻസിബ ഉന്നയിച്ച ആരോപണങ്ങളിൽ പ്രതികരണവുമായി ആഭ്യന്തര മന്ത്രി രമേശ് ചെന്നിത്തല. കമ്മിഷണർ ആരെയും പറ്റിക്കുന്നില്ലെന്നും പരാതിയുമായി ബന്ധപ്പെട്ട കേസ് അന്വേഷിക്കേണ്ടത് പൊലീസാണെന്നും അദ്ദേഹം വ്യക്തമാക്കി. അൻസിബയുടെ പരാതിയിൽ ആദ്യം പൊലീസ് അന്വേഷണം നടത്തിയപ്പോൾ ആരോപണത്തിൽ കഴമ്പില്ലെന്നാണ് കണ്ടെത്തിയതെന്നും പിന്നീട് കോടതി നിർദേശത്തെ തുടർന്നാണ് എഫ്‌ഐആർ രജിസ്റ്റർ ചെയ്തതെന്നും ചെന്നിത്തല പറഞ്ഞു. അന്വേഷണം പുരോഗമിക്കട്ടെയെന്നും അദ്ദേഹം കൂട്ടിച്ചേർത്തു. എറണാകുളം പ്രസ് ക്ലബ്ബിൽ നടന്ന ‘മീറ്റ് ദി പ്രസ്’ പരിപാടിയിൽ സംസാരിക്കുകയായിരുന്നു മന്ത്രി. പൊലീസിനെതിരെ ഉയരുന്ന പരാതികൾ വേഗത്തിൽ പരിഹരിക്കുന്നതിനായി പുതിയ സംവിധാനം കൊണ്ടുവരുമെന്നും മന്ത്രി അറിയിച്ചു. പരാതികൾ പരിഹരിച്ചതിന്റെ പ്രത്യേക പൊലീസ് ഓഡിറ്റും നടത്തും. സംസ്ഥാന പൊലീസ് സേനയുടെ പ്രവർത്തനം കൂടുതൽ നവീകരിക്കുമെന്നും അദ്ദേഹം വ്യക്തമാക്കി. "ഓ...