Kerala News

കോഴിക്കോട്: സംസ്ഥാനത്തെ നാല് ജില്ലകളിൽ ഇന്നുമുതൽ ഭാഗിക വൈദ്യുതി നിയന്ത്രണം. കോഴിക്കോട്, വയനാട്, കണ്ണൂര്‍, കാസർഗോഡ് എന്നി ജില്ലകളിലാണ് ഭാഗികമായി വൈദ്യുതി തടസപ്പെടാൻ സാധ്യത. കോഴിക്കോട് 400 കെവി സബ്സ്റ്റേഷനിൽ അറ്റകുറ്റപ്പണി ഉള്ളതിനാലാണ് നിയന്ത്രണം. പവര്‍‍ഗ്രിഡ് കോര്‍‍പ്പറേഷൻ്റെ കോഴിക്കോട് 400 കെവി സബ്സ്റ്റേഷനിലെ 220 കെ.വി ബുഷിംഗില്‍‍ തകരാറ് സംഭവിച്ചതിനാല്‍‍ അടിയന്തിര അറ്റകുറ്റപണികള്‍‍ നടത്തുന്നതിനാലാണ് നിയന്ത്രണം. ഇന്നുമുതൽ ഏഴ് ദിവസത്തേക്ക് വൈദ്യുതി തടസം നേരിടുമെന്ന് കെഎസ്ഇബി വ്യക്തമാക്കി. ഭാഗിക വൈദ്യുതി തടസം ഏർപ്പെടുന്നതിൽ കെഎസ്ഇബി ഖേദം പ്രകടിപ്പിച്ചു. കാലവർഷത്തിന് മുൻപ് അറ്റകുറ്റപ്പണി നടത്തിയില്ലെങ്കിൽ പ്രതിസന്ധി നേരിടേണ്ടി വരുമെന്നും അധികൃതർ അറിയിച്ചു. ...

ഡൽഹി: കോൺഗ്രസിലെ മുഖ്യമന്ത്രി പ്രഖ്യാപനം വൈകിയത് പാർട്ടിയുടെ വമ്പൻ വിജയത്തിന് മങ്ങലേൽപ്പിച്ചെന്ന് സമ്മതിച്ച് കെപിസിസി പ്രസിഡന്റ് സണ്ണി ജോസഫ്. മുഖ്യമന്ത്രിയെ തീരുമാനിച്ച ശേഷമാകും മന്ത്രിസഭ രൂപീകരണ ചർച്ചകളിലേക്ക് കടക്കുകയെന്നും അദ്ദേഹം പറഞ്ഞു. “വൈകാതെ വെള്ള പുക ഉയരും. തീരുമാനം ഇന്നുതന്നെ ഉണ്ടാകുമെന്നാണ് പ്രതീക്ഷ,” എന്നാണ് സണ്ണി ജോസഫ് മാധ്യമങ്ങളോട് പ്രതികരിച്ചത്. സോണിയ ഗാന്ധിയുടെ വസതിയിൽ ചർച്ചകൾ ആരംഭിച്ചിട്ടുണ്ടെന്നും കേരളത്തിൽ നിന്ന് ക്ഷണിക്കപ്പെട്ട നേതാക്കൾ അവിടേക്ക് എത്തിക്കൊണ്ടിരിക്കുകയാണെന്നും അദ്ദേഹം വ്യക്തമാക്കി. മല്ലികാർജുൻ ഖാർഗെ ഇന്ന് രാത്രിയോടെ ഡൽഹിയിലെത്തുമെന്നും, അതിന് പിന്നാലെ അന്തിമ തീരുമാനം ഉണ്ടാകാനാണ് സാധ്യതയെന്നും സണ്ണി ജോസഫ് പറഞ്ഞു. മുഖ്യമന്ത്രി ചർച്ച നീണ്ടുപോയത് പാർട്ടിക്കുള്ളിൽ അതൃപ്തിക്ക് ഇടയാക്കിയെന്ന് ബെന്നി ബെഹനാൻ എംപിയും പ്രതികരിച്ചു. “കോൺഗ്രസ് ഒരു ജനാധിപത്യ ...

കൊച്ചി: കെഎസ്ആർടിസിയിൽ സ്ത്രീകൾക്ക് സൗജന്യ യാത്ര അനുവദിക്കാനുള്ള സർക്കാർ തീരുമാനത്തിനെതിരെ സ്വകാര്യ ബസ് ഉടമകൾ രംഗത്ത്. ഈ തീരുമാനം പൊതു ഗതാഗത മേഖലയെ തന്നെ തകർക്കുമെന്ന് ബസ് ഓപ്പറേറ്റേഴ്‌സ് ഓർഗനൈസേഷൻ ആരോപിച്ചു. സ്വകാര്യ ബസുകളിൽ യാത്ര ചെയ്യുന്നവരിൽ ഏകദേശം 70 ശതമാനവും സ്ത്രീകളാണെന്നും, കെഎസ്ആർടിസിയിൽ സൗജന്യ യാത്ര പ്രഖ്യാപിച്ചാൽ സ്ത്രീകൾ സ്വകാര്യ ബസുകൾ ഒഴിവാക്കുമെന്നും സംഘടന ചൂണ്ടിക്കാട്ടുന്നു. ഇതോടെ സ്വകാര്യ ബസ് മേഖല വലിയ സാമ്പത്തിക പ്രതിസന്ധിയിലാകുമെന്നാണ് ബസ് ഉടമകളുടെ മുന്നറിയിപ്പ്. സ്ത്രീകൾ സൗജന്യമായി കെഎസ്ആർടിസിയിലേക്ക് മാറിയാൽ വിദ്യാർഥികളെ ആശ്രയിച്ചുള്ള സർവീസുകൾ മാത്രമേ സ്വകാര്യ ബസുകൾക്ക് നടത്താനാകൂവെന്നും, അതോടെ ജീവനക്കാരുടെ ശമ്പള വിതരണത്തിലും പ്രതിസന്ധി ഉണ്ടാകാമെന്നും അവർ പറയുന്നു. കെഎസ്ആർടിസിയിൽ നിലവിലുള്ള സാമ്പത്തിക പ്രതിസന്ധിയോട് സാമ്യമുള്ള സാഹചര്യം സ്വകാര്യ ബസ് മേഖലയിലും ...

സാങ്കേതിക തകരാറിനെ തുടർന്ന് സംസ്ഥാനത്തൊട്ടാകെ ട്രഷറി ഇടപാടുകൾ തടസപ്പെട്ടു. ഡാറ്റാ സെൻ്ററിൽ പുതിയ ഡിവൈസ് സ്ഥാപിക്കുന്നതിനായി ബന്ധപ്പെട്ടാണ് തടസം നേരിടുന്നത്. ഇന്ന് തന്നെ പ്രശ്നം പരിഹരിക്കുമെന്ന് അധികൃതർ ഉറപ്പു നൽകിയിട്ടുണ്ട്. വെള്ളിയാഴ്ച മുതലാണ് ട്രഷറികളുമായി ബന്ധപ്പെട്ട് സാങ്കേതിക പ്രശ്നം ആരംഭിച്ചത്. ശനിയാഴ്ചയോടെ പ്രശ്നം പരിഹരിക്കുമെന്നാണ് അറിയിച്ചിരുന്നതെങ്കിലും തിങ്കളാഴ്ചയായിട്ടും ട്രഷറി ഇടപാടുകൾ നടത്തുവാനാകുന്നില്ല. ഇടപാടുകൾ നടത്തുവാനാവാത്തതു കൊണ്ടു തന്നെ വലിയ പ്രതിസന്ധിയാണ് നേരിടുന്നത്. അതേസമയം, 50 ശതമാനം ഇടപാടുകളിൽ മാത്രമേ പ്രശ്നം ബാധിക്കുന്നുള്ളുവെന്നും മറ്റ് പ്രശ്നങ്ങൾ ഉടൻ തന്നെ പരിഹരിക്കുമെന്നും ഉദ്യോഗസ്ഥർ അറിയിച്ചിട്ടുണ്ട്. ...

കോഴിക്കോട്: മുക്കം ബസ് സ്റ്റാൻഡിൽ ഹോട്ടൽ ജീവനക്കാരന് മർദ്ദനമേറ്റു. അടുത്തുള്ള ഹോട്ടലിലെ ജീവനക്കാരനാണ് മർദ്ദിച്ചത്. ഹോട്ടലിലേക്ക് ആളുകളെ വിളിച്ച് കയറ്റുന്നതുമായി ബന്ധപ്പെട്ട തർക്കമാണ് ബഹളത്തിൽ കലാശിച്ചത്. സ്റ്റാൻഡ് വ്യൂ ഹോട്ടലിലെ ജീവനക്കാരനും കോടഞ്ചേരി മുറംപാത്തി സ്വദേശിയുമായ ഫിലിപ്പിനാണ് മർദ്ദനമേറ്റത്. മരുപ്പച്ച കൂൾബാറിലെ ജീവനക്കാരനായ മുനവ്വർ താജ് ആണ് മർദ്ദിച്ചത്. സംഭവത്തിൻ്റെ സിസിടിവി ദൃശ്യങ്ങൾ പുറത്തുവന്നു. സംഭവത്തിൽ ഹോട്ടൽ ഉടമ നൽകിയ പരാതിയിൽ മുക്കം പോലീസ് കേസെടുത്തു. മർദ്ദനത്തിൽ ഫിലിപ്പിൻ്റെ കാലിൻ്റെ എല്ലിന് ചതവ് സംഭവിക്കുകയും ശരീരമാസകലം പരിക്കേൽക്കുകയും ചെയ്തിട്ടുണ്ട്. ...

ഡൽഹി: കോൺഗ്രസിലെ മുഖ്യമന്ത്രി സ്ഥാനത്തെ ചൊല്ലിയുള്ള തർക്കത്തിൽ ഹൈക്കമാൻഡ് വീണ്ടും നിർണായക ചർച്ചകൾക്ക് ഒരുങ്ങുന്നു. ഇതിന്റെ ഭാഗമായി മുൻ കെപിസിസി അധ്യക്ഷൻമാരെ എഐസിസി അടിയന്തരമായി ഡൽഹിയിലേക്ക് വിളിപ്പിച്ചു. കെ. സുധാകരൻ, കെ. മുരളീധരൻ എന്നിവർ നാളെ ഹൈക്കമാൻഡ് നേതാക്കളുമായി കൂടിക്കാഴ്ച നടത്തും. ഇരുവരും ഉടൻ ഡൽഹിയിൽ എത്തണമെന്ന് രാഹുൽ ഗാന്ധി നിർദേശിച്ചതായാണ് വിവരം. മുഖ്യമന്ത്രി തിരഞ്ഞെടുപ്പുമായി ബന്ധപ്പെട്ട അന്തിമ തീരുമാനം സുധാകരനെ ബോധ്യപ്പെടുത്തുന്നതിനായാണ് ഈ കൂടിക്കാഴ്ചയെന്ന സൂചനകളും പുറത്തുവരുന്നുണ്ട്. ചർച്ചകൾ അനുകൂലമായി മുന്നേറിയാൽ ഉടൻ മുഖ്യമന്ത്രിയെ പ്രഖ്യാപിക്കാനാണ് സാധ്യത. തീരുമാനത്തിലെ കാലതാമസം പാർട്ടി നേതാക്കളിലും പ്രവർത്തകരിലും അതൃപ്തി വർധിപ്പിക്കുന്ന സാഹചര്യത്തിലാണ് ഹൈക്കമാൻഡ് ഇടപെടൽ ശക്തമാക്കിയത്. മുഴുവൻ മുൻ കെപിസിസി അധ്യക്ഷൻമാരെയും ഡൽഹിയിലേക്ക് വിളിച്ചിട്ടുണ്ടെന്നാണ് വിവരം. ...

തിരുവനന്തപുരം: സർക്കാർ ഉദ്യോഗസ്ഥരുടെ സ്ഥലംമാറ്റം ആവശ്യപ്പെട്ട് കോൺഗ്രസ് അനുകൂല സർവീസ് സംഘടന വീണ്ടും രംഗത്ത്. കേരള ഗസറ്റഡ് ഓഫീസേഴ്സ് യൂണിയൻ ജനറൽ സെക്രട്ടറി ഡോ. ആർ രാജേഷ് മൃഗസംരക്ഷണ വകുപ്പ് ഡയറക്ടർക്ക് ഇതുസംബന്ധിച്ച് കത്ത് നൽകി. ഭരണ സൗകര്യാർഥം വകുപ്പിനുള്ളിൽ സ്ഥലംമാറ്റങ്ങൾ നടപ്പിലാക്കണമെന്നാണ് കത്തിലെ പ്രധാന ആവശ്യം. മൃഗസംരക്ഷണ വകുപ്പ് ഡയറക്ടറേറ്റിലെ നാല് ഉദ്യോഗസ്ഥരെ മാറ്റുകയും ഒരാൾക്ക് അധിക ചുമതല നൽകുകയും വേണമെന്നാണ് നിർദേശം. സെക്ഷൻ സൂപ്രണ്ടുമാരായ ഇങ്കു എൻ.എസ്, ഷീജാ കുമാരി, മഞ്ജു ലേഖ എന്നിവരെ മറ്റ് ഓഫീസുകളിലേക്ക് മാറ്റണമെന്നാവശ്യപ്പെട്ട കത്തിൽ, കൊല്ലം ജില്ലാ മൃഗസംരക്ഷണ ഓഫീസിലെ സെക്ഷൻ സൂപ്രണ്ട് പി.സി. കൊച്ചുമോനെ തിരുവനന്തപുരത്തെ ഡയറക്ടറേറ്റിലേക്ക് മാറ്റണമെന്നും ആവശ്യപ്പെടുന്നുണ്ട്. ഇതിന് മുമ്പ് പൊതുവിദ്യാഭ്യാസ വകുപ്പിലും സമാന രീതിയിൽ സ്ഥലംമാറ്റ ആവശ്യങ്ങൾ ഉയർന്നിരുന്നു. സർവീസ് സംഘടന...

കൊച്ചി: ആലുവ എടത്തലയിൽ ബസും ടോറസും കൂട്ടിയിടിച്ച് നിരവധി പേർക്ക് പരിക്ക്. ആലുവയിൽ നിന്നും കോലഞ്ചേരിയിലേക്ക് പോവുകയായിരുന്ന സെൻ്റ് തോമസ് ബസും ആലുവ ഭാഗത്തേക്ക് വരികയായിരുന്നു ടോറസുമാണ് കൂട്ടിയിടിച്ചത്.ബസിൽ വിദ്യാർഥികളടക്കമുള്ളവരും ഉണ്ടായിരുന്നു. അപകടത്തിൽ പരിക്കേറ്റ് അതീവ ഗുരുതരാവസ്ഥയിലുള്ള ഒരാളെ വെൻ്റിലേറ്ററിൽ പ്രവേശിപ്പിച്ചു. ബസ് ഡ്രൈവർ പ്രസാദിൻ്റെ തലയ്ക്കും, കൈക്കും പരിക്കേറ്റിറ്റുണ്ട്. അപകടത്തിൽ പരിക്കേറ്റ 31 പേരെ ആലുവ രാജഗിരി ആശുപത്രിയിൽ പ്രവേശിപ്പിച്ചു....

തിരുവനന്തപുരം: ലൈഫ് ഭവന പദ്ധതിയുടെ തുക അനുവദിക്കുന്നതിനായി കൈക്കൂലി വാങ്ങുന്നതിനിടെ വില്ലേജ് എക്സ്റ്റൻഷൻ ഓഫീസറെ വിജിലൻസ് പിടികൂടി. സന്ദീപ് എന്ന ഉദ്യോഗസ്ഥനെയാണ് അറസ്റ്റ് ചെയ്തത്. ലൈഫ് പദ്ധതിപ്രകാരം സർക്കാർ അനുവദിച്ച തുക ഗുണഭോക്താവിന് കൈമാറുന്നതിനായി 2500 രൂപയാണ് സന്ദീപ് ആവശ്യപ്പെട്ടതെന്ന് പരാതിയിൽ പറയുന്നു. 2024ൽ പരാതിക്കാരന് അനുവദിച്ച പദ്ധതിയുടെ ആദ്യ ഗഡുവായ 40,000 രൂപ ലഭിച്ചപ്പോൾ 500 രൂപ കൈപ്പറ്റിയതായും പിന്നീട് രണ്ടാം ഗഡുവായ ഒരു ലക്ഷം രൂപ അനുവദിച്ചപ്പോൾ 1000 രൂപ കൂടി ആവശ്യപ്പെട്ടതായും പരാതിക്കാരൻ വെളിപ്പെടുത്തി. തുടർന്ന് മൂന്നാം ഗഡുവായി രണ്ട് ലക്ഷം രൂപ അനുവദിച്ചിട്ടും പണം കൈമാറാൻ തയ്യാറാകാതിരുന്ന ഉദ്യോഗസ്ഥൻ, 2500 രൂപ നൽകിയാൽ മാത്രമേ തുക അനുവദിക്കൂവെന്ന നിലപാട് സ്വീകരിച്ചതായും പരാതിയിൽ പറയുന്നു. ഇതോടെ കാരോട് സ്വദേശിയായ പരാതിക്കാരൻ വിജിലൻസിനെ സമീപിക്കുകയായിരുന്നു. വിജിലൻസ് നിർദേ...

തിരുവനന്തപുരം: പിണറായി വിജയൻ കേരള നിയമസഭയിലെ പ്രതിപക്ഷ നേതാവാകില്ലെന്ന് സൂചന. പുതുമുഖത്തെ ചുമതലയേൽപ്പിക്കാനാണ് നേതൃത്വത്തിൻ്റെ തീരുമാനമെന്നാണ് പുറത്തുവരുന്ന വിവരം. കെ.എൻ. ബാലഗോപാൽ പ്രതിപക്ഷ നേതാവായേക്കുമെന്ന റിപ്പോർട്ടുകളും പുറത്തുവരുന്നുണ്ട്. അൽപ്പ സമയത്തിന് മുമ്പാണ് പിണറായി വിജയൻ ക്ലിഫ് ഹൗസിൽ നിന്നും പുതിയ സ്ഥലത്തേക്ക് താമസ മാറിയത്. ക്ലിഫ് ഹൗസിൽ നിന്ന് സാധനങ്ങൾ ബേക്കറി ജംഗ്ഷനിലെ വാടക വീട്ടിലേക്ക് മാറ്റി. വാടക വീട്ടിലെത്തിയ പിണറായി വിജയനൊപ്പം സിപിഐഎം സംസ്ഥാന സെക്രട്ടറി എം.വി. ഗോവിന്ദനും ഉണ്ടായിരുന്നു. ഭാര്യ കമല, മുഹമ്മദ് റിയാസ്, വി. ശിവൻകുട്ടി തുടങ്ങിയവർ പിണറായിയെ സ്വീകരിച്ചു...