Blog

കൊല്ലം: ഗുണ്ടാനേതാവ് അലുവ അതുലിനെ വെട്ടിക്കൊലപ്പെടുത്തിയ കേസിൽ നാല് പ്രതികൾ പിടിയിലായി. കുറ്റകൃത്യത്തിൽ നേരിട്ട് പങ്കെടുത്ത രണ്ടുപേരും സഹായികളായ രണ്ടുപേരുമാണ് പൊലീസിന്റെ പിടിയിലായത്. കേസിന്റെ അന്വേഷണം ജില്ലാ അതിർത്തികൾക്കപ്പുറം ശക്തമാക്കുമെന്നും ജില്ലയ്ക്ക് പുറത്തേക്കും അന്വേഷണം വ്യാപിപ്പിക്കുമെന്നും നഗര പൊലീസ് കമ്മീഷണർ ഹേമലത അറിയിച്ചു. ഇന്ന് ഉച്ചയോടെയാണ് ജിം സന്തോഷ് വധക്കേസ് പ്രതിയായ അലുവ അതുലിനെ അക്രമികൾ വെട്ടിക്കൊലപ്പെടുത്തിയത്. ജാമ്യത്തിൽ പുറത്തിറങ്ങി പൊലീസ് നിലയത്തിൽ എത്തിയ ശേഷം മടങ്ങിപ്പോകുന്നതിനിടെയായിരുന്നു ആക്രമണം. അതുൽ സഞ്ചരിച്ച കാറിനെ ദേശീയപാത നിർമാണത്തിനായി ഉണ്ടാക്കിയ താഴ്ചയിലേക്ക് ഇടിച്ചുവീഴ്ത്തിയ ശേഷം ആക്രമിക്കുകയായിരുന്നു. പൊലീസ് നിലയത്തിൽ നിന്ന് ഏകദേശം രണ്ട് കിലോമീറ്റർ അകലെ എത്തിയപ്പോഴാണ് ആക്രമണം നടന്നത്. തലയിൽ ഉണ്ടായ ആഴത്തിലുള്ള വെട്ടാണ് മരണകാരണമെന്നാണ് പ്രാഥമിക നിഗമനം. ...