രാഹുൽ ഗാന്ധിയുടെ ആരോപണങ്ങൾ അടിസ്ഥാന രഹിതം; പൊതുജനത്തിന് ഓൺലൈനായി വോട്ടുകൾ നീക്കം ചെയ്യൽ അസാധ്യം; തെര. കമ്മീഷൻ
ന്യൂഡല്ഹി: വോട്ടുകൊള്ള ആരോപണം ഉന്നയിച്ച രാഹുല് ഗാന്ധിക്ക് മറുപടിയുമായി തെരഞ്ഞെടുപ്പ് കമ്മീഷന്. ലോക്സഭാ പ്രതിപക്ഷ നേതാവ് ഉന്നയിച്ച എല്ലാ ആരോപണങ്ങളും തെറ്റാണെന്നും അടിസ്ഥാന രഹിതമാണെന്നും തെരഞ്ഞെടുപ്പ് കമ്മീഷന്.രാഹുൽ ഗാന്ധി പറഞ്ഞത് പോലെ പൊതുജനങ്ങൾക്ക് ആർക്കും തന്നെ ഓൺലൈനായി വോട്ട് ഒഴിവാക്കാനാവില്ലെന്നും തെരഞ്ഞെടുപ്പ് കമ്മീഷൻ വ്യക്തമാക്കി. വോട്ട് നീക്കം ചെയ്യുന്നതിന് മുമ്പ് ആ വ്യക്തിയുടെ ഭാഗം കേള്ക്കും. ഇതാണ് നടപടി എന്നും കമ്മിഷന് പ്രസ്താവനയില് അറിയിച്ചു.
എന്നാല് 2023-ല് അലന്ദ് നിയമസഭാ മണ്ഡലത്തില് വോട്ടുകള് നീക്കം ചെയ്യാന് ചില ശ്രമങ്ങള് നടന്നിരുന്നു.ക്രമക്കേടുകൾ കമ്മീഷന്റെ ശ്രദ്ധയിൽപ്പെട്ടിരുന്നുവെന്നും പക്ഷേ ആ നീക്കം ഫലപ്രദമായില്ലെന്നും കൃത്യമായി അതിനെ തടഞ്ഞിരുന്നെന്നും കമ്മീഷൻ വ്യക്തമാക്കി. ഈ വിഷയം തെരഞ്ഞെടുപ്പ് കമ്മിഷന് പരിശോധിച്ചു എഫ്ഐആര് ഫയല് ചെയ്യുകയും ചെയ്തിട്ടുണ്ടെന...
