ചണ്ഡീഗഢ്: നാല് വർഷം മുൻപ് ഭാര്യയെ കൊലപ്പെടുത്തിയ കേസിൽ പഞ്ചാബ് യൂണിവേഴ്സിറ്റി പ്രൊഫസർ അറസ്റ്റിൽ
ചണ്ഡീഗഢ്: നാല് വർഷം മുമ്പ് ഭാര്യയെ കൊലപ്പെടുത്തിയ കേസിൽ പഞ്ചാബ് യൂണിവേഴ്സിറ്റിയിലെ സീനിയർ പ്രൊഫസർ അറസ്റ്റിലായി. കാമ്പസിലെ ഔദ്യോഗിക വസതിയിൽ ഭാര്യയുടെ മൃതദേഹം കണ്ടെത്തിയ സംഭവത്തിലാണ് യൂണിവേഴ്സിറ്റി ബിസിനസ് സ്കൂളിലെ പ്രൊഫസർ ബി. ബി. ഗോയലിനെ തിങ്കളാഴ്ച പോലീസ് കസ്റ്റഡിയിലെടുത്തത്. ബ്രെയിൻ ഇലക്ട്രിക്കൽ ഓസിലേഷൻ സിഗ്നേച്ചർ (BEOS) പ്രൊഫൈലിംഗ് അഥവാ ബ്രെയിൻ മാപ്പിംഗിന്റെ ഫലങ്ങളെ അടിസ്ഥാനമാക്കിയാണ് അറസ്റ്റ്.പ്രൊഫസർ ഗോയലിനെ പ്രാദേശിക കോടതിയിൽ ഹാജരാക്കിയ ശേഷം മൂന്ന് ദിവസത്തെ പോലീസ് കസ്റ്റഡിയിൽ വിട്ടു.
2021 നവംബർ 4-നാണ് വീട്ടമ്മയായ സീമ ഗോയലിനെ പഞ്ചാബ് യൂണിവേഴ്സിറ്റി ക്വാർട്ടേഴ്സിൽ മരിച്ച നിലയിൽ കണ്ടെത്തിയത്. തൻ്റെ ഭാര്യയെ കൈകളും കാലുകളും തുണികൊണ്ട് കെട്ടിയ നിലയിൽ താഴത്തെ നിലയിൽ കണ്ടെത്തുകയായിരുന്നുവെന്നാണ് ഗോയൽ പോലീസിനോട് പറഞ്ഞത്. എന്നാൽ, പോലീസ് സ്ഥലത്തെത്തുന്നതിന് മുമ്പ് തന്നെ അദ്ദേഹം മൃതദേഹം ആശുപത്ര...
