Blog

ടൊറന്റോ: ഫിഫ ലോകകപ്പിന്റെ നോക്കൗട്ട് ഘട്ടത്തിൽ ഇന്ന് ഫുട്ബോൾ ലോകം ഉറ്റുനോക്കുന്ന പോരാട്ടമാണ് പോർച്ചുഗലും ക്രൊയേഷ്യയും തമ്മിൽ നടക്കുന്നത്. ടൊറന്റോ സ്റ്റേഡിയത്തിൽ നടക്കുന്ന മത്സരത്തിൽ ക്രിസ്റ്റ്യാനോ റൊണാൾഡോയും ലൂക്ക മോഡ്രിച്ചും നേർക്കുനേർ എത്തുമ്പോൾ ലോക ഫുട്ബോളിലെ രണ്ട് ഇതിഹാസങ്ങളുടെ ഭാവിയും ചർച്ചയാകുകയാണ്. റയൽ മാഡ്രിഡിൽ വർഷങ്ങളോളം ഒരുമിച്ച് കളിച്ച് നിരവധി കിരീടങ്ങൾ നേടിയ ഇരുവരും ഇപ്പോൾ തങ്ങളുടെ ദേശീയ ടീമുകൾക്കായി ലോകകപ്പ് സ്വപ്നം നിലനിർത്താനുള്ള പോരാട്ടത്തിലാണ്. എന്നാൽ ഇന്നത്തെ മത്സരത്തിന്റെ പ്രത്യേകത, പരാജയപ്പെടുന്ന ടീമിനൊപ്പം ഈ രണ്ട് ഇതിഹാസങ്ങളിൽ ഒരാളുടെ ലോകകപ്പ് യാത്രയും അവസാനിക്കുമെന്നതാണ്. 41 കാരനായ ക്രിസ്റ്റ്യാനോ റൊണാൾഡോയുടെ ആറാം ലോകകപ്പാണിത്. ലൂക്ക മോഡ്രിച്ചിന് അഞ്ചാമത്തേതും. ഇരുവരും ചേർന്ന് ലോകകപ്പ് വേദിയിൽ കളിച്ച മത്സരങ്ങളുടെ എണ്ണം അമ്പതിനോട് അടുക്കുകയാണ്. ക്ലബ് ഫുട്ബോളിൽ നേട...