മോഷണവും കൊലപാതകവുമടക്കം അൻപതിലേറെ കേസുകളിലെ പ്രതി ബാലമുരുകൻ തമിഴ്നാട്ടിൽ പിടിയിൽ
തൃശൂർ: സിനിമാക്കഥകളെ വെല്ലുന്ന രീതിയിൽ വേഷംമാറിയും പോലീസിനെ വെട്ടിച്ചും നടന്ന കുപ്രസിദ്ധ കുറ്റവാളി ബാലമുരുകൻ (തൃശൂർ അഞ്ചോളം) ഒടുവിൽ തമിഴ്നാട് പോലീസിന്റെ പിടിയിലായി. തെങ്കാശിയിൽ നിന്നുള്ള ക്യൂ ബ്രാഞ്ച് സംഘം ട്രിച്ചിക്കു സമീപം വെച്ചാണ് ഇയാളെ പിടികൂടിയത്. കൊലപാതകവും മോഷണവും ഉൾപ്പെടെ തമിഴ്നാട്ടിലും കേരളത്തിലുമായി അമ്പതിലധികം കേസുകളിൽ പ്രതിയാണ് ഇയാൾ.
കഴിഞ്ഞ നവംബർ മൂന്നിന് തൃശൂർ വിയ്യൂർ അതീവ സുരക്ഷാ ജയിലിന് മുന്നിൽ നിന്നാണ് ബാലമുരുകൻ അവസാനമായി രക്ഷപ്പെട്ടത്. തമിഴ്നാട്ടിലെ കോടതിയിൽ ഹാജരാക്കിയ ശേഷം തിരികെ ജയിലിലെത്തിച്ചപ്പോൾ, അകത്തേക്ക് കയറ്റാനായി വിലങ്ങഴിച്ച നിമിഷം പോലീസുകാരെ വെട്ടിച്ച് ഇയാൾ ഓടിമറയുകയായിരുന്നു. ഒരു വീടിന് മുന്നിൽ താക്കോൽ സഹിതം ഇരുന്ന ബൈക്ക് മോഷ്ടിച്ചാണ് ഇയാൾ അന്ന് തൃശൂർ കടന്നത്.
ഇത് രണ്ടാം തവണയാണ് ബാലമുരുകൻ കേരള പോലീസിന്റെ കൈയിൽ നിന്ന് രക്ഷപ്പെടുന്നത്. മുൻപ് മറയൂരിലെ മോ...
