തിരുവനന്തപുരം: അഭിപ്രായ സ്വാതന്ത്ര്യം പ്രകടിപ്പിച്ചതിനാലാണ് തന്നെ കേരള സംസ്ഥാന ചലച്ചിത്ര അക്കാദമി ചെയർമാൻ സ്ഥാനത്തിൽ നിന്ന് മാറ്റിയതെന്ന് നടൻ പ്രേം കുമാർ. പുറത്താക്കിയ വിവരം പത്രമാധ്യമങ്ങളിലൂടെ അറിഞ്ഞതായും ആറുമാസമായി ആരും ബന്ധപ്പെട്ടിട്ടില്ലെന്നും അദ്ദേഹം ആരോപിച്ചു. പൂർണമായും അവഗണിക്കപ്പെട്ടുവെന്നും 35 വർഷമായി ഇടതുപക്ഷ അനുഭാവിയായി നിൽക്കുമ്പോഴും അധികാരസ്ഥാനം ഒന്നും ലഭിച്ചിട്ടില്ലെന്നുമാണ് ചോദ്യം. താൻ കോൺഗ്രസ് കുടുംബാംഗമാണെങ്കിലും രാഷ്ട്രീയ പരിഗണനകളില്ലാതെയാണ് സർക്കാർ സ്ഥാനം നൽകിയതെന്നും അദ്ദേഹം പറഞ്ഞു. അഭിപ്രായ സ്വാതന്ത്ര്യം ഇല്ലാത്ത ഇടത്തിൽ തുടരാൻ കഴിയില്ലെന്നും വിമർശനവും സ്വയം വിമർശനവും ഉൾക്കൊള്ളേണ്ടതുണ്ടെന്നും വ്യക്തമാക്കി. കഴക്കൂട്ടം നടന്ന മുഖ്യമന്ത്രിയുടെ പരിപാടി പോലും അറിയിച്ചില്ലെന്നും അദ്ദേഹം ആരോപിച്ചു.
ഇടത് സൈബർ കേന്ദ്രങ്ങൾ തന്നെ അവഹേളിക്കുന്നുവെന്നും രാഷ്ട്രീയ ബദലായി കാണുന്നത് യുഡിഎഫ് ആണെന്നും ദേശീയ തലത്തിൽ കോൺഗ്രസ് നിലനിൽക്കണമെന്നും പ്രേം കുമാർ കൂട്ടിച്ചേർത്തു. അക്കാദമി ചെയർമാൻ സ്ഥാനത്ത് നിന്ന് തിടുക്കത്തിൽ തന്നെ പുറത്താക്കിയതായും അതിന് അടിയന്തര സാഹചര്യം എന്താണെന്ന് മനസ്സിലായിട്ടില്ലെന്നും അദ്ദേഹം മുമ്പ് പ്രതികരിച്ചിരുന്നു. ആശാ സമരത്തെ പിന്തുണച്ചതാണ് കാരണം എന്നാരോപിച്ച അദ്ദേഹം, സച്ചിദാനന്ദൻ എൽഡിഎഫ്ക്കെതിരെ പ്രസ്താവന നടത്തിയിട്ടും നടപടിയില്ലായിരുന്നുവെന്നതും ചൂണ്ടിക്കാട്ടി.