ഉമർ ഖാലിദിന് ന്യൂയോർക്ക് മേയറുടെ കത്ത്; ഇന്ത്യയുടെ ആഭ്യന്തര കാര്യങ്ങളിൽ ഇടപെടുന്നുവെന്ന് ബിജെപി
ന്യൂഡൽഹി: ഡൽഹി കലാപ ഗൂഢാലോചനക്കേസിൽ യുഎപിഎ (UAPA) ചുമത്തപ്പെട്ട് അഞ്ച് വർഷമായി ജയിലിൽ കഴിയുന്ന ഉമർ ഖാലിദിന് ന്യൂയോർക്ക് സിറ്റി മേയർ സൊഹ്റാൻ മംദാനി കത്തയച്ചതിനെതിരെ രൂക്ഷ വിമർശനവുമായി ബിജെപി. ഇന്ത്യയുടെ ആഭ്യന്തര കാര്യങ്ങളിലും നിയമവ്യവസ്ഥയിലും പുറത്തുനിന്നുള്ളവർ ഇടപെടുന്നത് രാജ്യം സഹിക്കില്ലെന്ന് ബിജെപി വക്താവ് ഗൗരവ് ഭാട്ടിയ വ്യക്തമാക്കി.
2026 ജനുവരി ഒന്നിന് ന്യൂയോർക്ക് മേയറായി സത്യപ്രതിജ്ഞ ചെയ്ത് അധികാരമേറ്റതിന് പിന്നാലെയാണ് മംദാനിയുടെ കത്ത് പുറത്തുവന്നത്."പ്രിയപ്പെട്ട ഉമർ, നിങ്ങളെക്കുറിച്ചുള്ള ഓർമ്മകൾ എപ്പോഴും കൂടെയുണ്ട്. കയ്പ്പേറിയ അനുഭവങ്ങൾ നമ്മെ നശിപ്പിക്കാൻ അനുവദിക്കരുതെന്ന താങ്കളുടെ വാക്കുകൾ ഞാൻ പലപ്പോഴും ഓർക്കാറുണ്ട്," എന്ന് മംദാനി കത്തിൽ കുറിച്ചു.
ഉമർ ഖാലിദിന്റെ മാതാപിതാക്കളെ നേരിൽ കണ്ടതിലെ സന്തോഷവും മംദാനി കത്തിൽ പങ്കുവെച്ചിരുന്നു.
ഇന്ത്യയുടെ ജനാധിപത്യത്തെയും നിയമസംവിധാ...
