’മലർ മിസ്സ്’ വെറുമൊരു കഥാപാത്രമല്ല; സായ് പല്ലവിയുടെ ആ വേഷത്തിന് പിന്നിലെ പ്രചോദനം വെളിപ്പെടുത്തി അൽഫോൻസ് പുത്രൻ
കൊച്ചി: മലയാള സിനിമയിൽ വലിയ ചലനം സൃഷ്ടിച്ച 'പ്രേമം' എന്ന ചിത്രത്തിലെ മലർ മിസ്സിനെ മറക്കാൻ പ്രേക്ഷകർക്ക് കഴിയില്ല. വർഷങ്ങൾക്കിപ്പുറവും ആരാധകർ നെഞ്ചേറ്റുന്ന ആ കഥാപാത്രത്തിന് പിന്നിലെ പ്രചോദനം ആരാണെന്ന് വെളിപ്പെടുത്തിയിരിക്കുകയാണ് സംവിധായകൻ അൽഫോൻസ് പുത്രൻ. തന്റെ ജീവിതപങ്കാളിയായ അലീനയാണ് മലർ എന്ന കഥാപാത്രത്തിന് പിന്നിലെ യഥാർത്ഥ പ്രചോദനമെന്ന് അദ്ദേഹം പറഞ്ഞു.
ബിഹൈൻഡ് വുഡ്സ് പുരസ്കാര വേദിയിൽ വെച്ചാണ് അൽഫോൻസ് പുത്രൻ തന്റെ മനസ്സ് തുറന്നത്. സായ് പല്ലവി അവതരിപ്പിച്ച മലർ എന്ന കഥാപാത്രത്തെപ്പോലെ തന്നെ അലീനയും ഒരു നർത്തകിയാണ്.
"എന്റേത് ഒരു പ്രണയവിവാഹമായിരുന്നു. ഞാൻ ചെന്നൈയിൽ പഠിക്കുന്ന സമയത്ത് അലീന സ്റ്റെല്ല മേരീസ് കോളേജിലായിരുന്നു. 'പ്രേമം' സിനിമയ്ക്ക് ശേഷമാണ് ഞങ്ങൾ വിവാഹിതരായത്. മലർ എന്ന കഥാപാത്രത്തെ സൃഷ്ടിക്കുമ്പോൾ പൂർണ്ണമായല്ലെങ്കിലും അല്പം പ്രചോദനം ലഭിച്ചത് അലീനയിൽ നിന്നായിരുന്നു." - അൽഫോൻസ്...
