ഡോൺ 3′: രൺവീർ സിംഗ് പിന്മാറി; ഷാരൂഖ് ഖാൻ മടങ്ങിയെത്തുന്നു? സംവിധായകനായി അറ്റ്ലി വേണമെന്ന് നിബന്ധന
കൊച്ചി: ഏറെ ചർച്ചകൾക്കും കാത്തിരിപ്പിനും ഒടുവിൽ 'ഡോൺ 3'യിൽ വൻ അഴിച്ചുപണി നടക്കുന്നതായി റിപ്പോർട്ടുകൾ. ചിത്രത്തിൽ നിന്ന് രൺവീർ സിംഗ് പിന്മാറിയെന്നും ആരാധകരുടെ പ്രിയപ്പെട്ട 'ഡോൺ' ആയി ഷാരൂഖ് ഖാൻ തന്നെ മടങ്ങിവരുന്നുവെന്നുമാണ് ബോളിവുഡിൽ നിന്നുള്ള പുതിയ വാർത്തകൾ. രൺവീറിന് പുറമെ നായിക കിയാര അദ്വാനി, വില്ലൻ വേഷം ചെയ്യാനിരുന്ന വിക്രാന്ത് മാസി എന്നിവരും ചിത്രത്തിൽ നിന്ന് നേരത്തെ ഒഴിഞ്ഞിരുന്നു.
ഷാരൂഖ് ഖാൻ ഡോൺ ആയി മടങ്ങിയെത്താൻ തയ്യാറാണെങ്കിലും ഒരു പ്രധാന നിബന്ധന മുന്നോട്ട് വെച്ചിട്ടുണ്ടെന്നാണ് സൂചന. 'ജവാൻ' എന്ന ബ്ലോക്ക്ബസ്റ്റർ ചിത്രത്തിലൂടെ തനിക്ക് മികച്ച നടനുള്ള ദേശീയ പുരസ്കാരം നേടിത്തന്ന അറ്റ്ലി 'ഡോൺ 3' സംവിധാനം ചെയ്യണം എന്നതാണ് ഷാരൂഖിന്റെ ആവശ്യം. ഫർഹാൻ അക്തർ തന്നെയായിരിക്കും ചിത്രം നിർമ്മിക്കുന്നത്. കൃതി സനോൺ നായികയായി എത്തിയേക്കുമെന്നും സൂചനകളുണ്ട്.
നിലവിൽ സിദ്ധാർത്ഥ് ആനന്ദ് സംവിധാനം ച...
