World

വാഷിങ്ടൺ: ബഹിരാകാശ യാത്രികയായ സുനിത വില്യംസ് അന്താരാഷ്ട്ര ബഹിരാകാശ നിലയത്തിൽ അധികകാലം തുടരേണ്ടിവന്ന സംഭവത്തിൽ പിഴവുണ്ടായെന്ന് NASA സമ്മതിച്ചു. എൻജിനീയറിംഗിലും നേതൃത്വത്തിലും വീഴ്ച സംഭവിച്ചതായി 311 പേജുള്ള അന്വേഷണ റിപ്പോർട്ടിൽ വ്യക്തമാക്കുന്നു. സംഭവത്തെ “ടൈപ്പ്-എ അപകടം” എന്ന വിഭാഗത്തിൽ ഉൾപ്പെടുത്തിയതായും റിപ്പോർട്ട് പറയുന്നു. 2024 ജൂൺ വിക്ഷേപണത്തിന് പിന്നാലെ തന്നെ പ്രശ്‌നങ്ങൾ ആരംഭിച്ചു. പ്രൊപ്പൽഷൻ സിസ്റ്റത്തിൽ തകരാർ സംഭവിച്ചതോടെ ത്രസ്റ്ററുകൾ പ്രവർത്തനം നിർത്തുകയും ഹീലിയം ചോർച്ച വാഹനത്തിന്റെ സഞ്ചാരത്തെ ബാധിക്കുകയും ചെയ്തു. യാത്രികർ സുരക്ഷിതമായി നിലയത്തിലെത്തിയെങ്കിലും സാങ്കേതികമായി വലിയ നാശനഷ്ടങ്ങൾ ഉണ്ടായതായി റിപ്പോർട്ട് ചൂണ്ടിക്കാട്ടുന്നു. ആദ്യമായി 8–10 ദിവസത്തെ ദൗത്യത്തിനായി എത്തിയ സുനിത വില്യംസും സഹയാത്രികനായ ബുച്ച് വിൽമോർവും ഭൂമിയിലേക്ക് മടങ്ങിയത് ഏകദേശം ഒൻപത് മാസം കഴിഞ്ഞാണ്. 2024 ജൂൺ ...

ഗാസാ സിറ്റി: ലോകമെമ്പാടും പുണ്യത്തിന്റെ പ്രതീകമായ റമദാൻ മാസപ്പിറവി ആരംഭിക്കുമ്പോൾ, യുദ്ധത്തിന്റെ കരിനിഴലിൽ കഴിയുന്ന ഗാസാ സ്ട്രിപ്പ്യും വെസ്റ്റ് ബാങ്ക്യും ഈ വർഷം പ്രത്യേകമായ സാഹചര്യത്തിലാണ് പുണ്യമാസത്തെ വരവേൽക്കുന്നത്. രണ്ട് വർഷത്തിന് ശേഷമാണ് ഇവിടെ റമദാൻ എത്തുന്നത്. തകർന്ന കെട്ടിടങ്ങളും നിലയ്ക്കാത്ത യുദ്ധഭീതിയും ഗാസയുടെ പല ഭാഗങ്ങളിലും ഇപ്പോഴും നിലനിൽക്കുന്നു. എല്ലാം നഷ്ടപ്പെട്ട അവസ്ഥയിലും വിശ്വാസവും പ്രതീക്ഷയും കൈവിടാതെ നോമ്പ് മാസത്തെ സ്വീകരിക്കാൻ പലസ്തീൻ ജനത ഒരുങ്ങുകയാണ്. അവർക്കിത് ആത്മവിശ്വാസത്തിന്റെയും സഹനത്തിന്റെയും അതിജീവനത്തിന്റെയും കാലമായി മാറിയിരിക്കുകയാണ്....

ലണ്ടൻ: ചാള്‍സ് രാജാവിന്റെ സഹോദരനായ സഹോദരന്‍ ആന്‍ഡ്ര്യൂ മൗണ്ട്ബാറ്റണ്‍-വിന്‍ഡ്‌സറെ ബ്രിട്ടീഷ് പൊലീസ് അറസ്റ്റ് ചെയ്തതായി BBC റിപ്പോർട്ട് ചെയ്തു. ലൈംഗിക കുറ്റവാളിയായ ജെഫ്രി എപ്സ്റ്റീനുമായുള്ള ബന്ധപ്പെട്ട കേസിൽ ഔദ്യോഗിക പദവി ദുരുപയോഗം ചെയ്തെന്ന സംശയത്തിലാണ് നടപടി. വ്യാഴാഴ്ച പുലർച്ചെ കിഴക്കൻ ഇംഗ്ലണ്ടിലെ സാന്‍ഡ്രിംഗ്ഹാം എസ്റ്റേറ്റിലെ വുഡ് ഫാമില്‍  പൊലീസ് ഉദ്യോഗസ്ഥർ എത്തിയതായി മാധ്യമങ്ങൾ റിപ്പോർട്ട് ചെയ്തിരുന്നു. ഇതിനു പിന്നാലെയാണ് അറസ്റ്റ് നടന്നത്. അമേരിക്ക പുറത്തുവിട്ട രേഖകൾ പ്രകാരം എപ്സ്റ്റീനിന് അതീവ രഹസ്യമായ സർക്കാർ വിവരങ്ങൾ കൈമാറിയെന്നാരോപിച്ച് ആൻഡ്ര്യൂക്കെതിരെ അന്വേഷണം പുരോഗമിച്ചുവരികയായിരുന്നു. എപ്സ്റ്റീൻ ഫയലിൽ പേര് വന്നതിന് പിന്നാലെ ആൻഡ്ര്യൂവിന്റെ എല്ലാ ഔദ്യോഗിക പദവികളും രാജാവ് ചാൾസ് പിൻവലിച്ചതായും റിപ്പോർട്ടുകളുണ്ട്....

ലാഹോർ: ജയിലിൽ കഴിയുന്ന മുൻ പാക് ക്രിക്കറ്റ് താരം ഇമ്രാൻ ഖാന് മതിയായ ചികിത്സ ഉറപ്പാക്കണമെന്ന് ആവശ്യപ്പെട്ട് പാകിസ്ഥാൻ സർക്കാരിന് അന്താരാഷ്ട്ര ക്രിക്കറ്റ് പ്രമുഖർ കത്ത് നൽകി. മുൻ ഇന്ത്യൻ താരങ്ങളായ സുനിൽ ഗാവസ്കർ, കപിൽ ദേവ് എന്നിവരുള്‍പ്പെടെ 14 പ്രമുഖരാണ് കത്തിൽ ഒപ്പുവെച്ചത്. ഈ നീക്കത്തിലൂടെ പാകിസ്ഥാൻ സർക്കാരിന് മേൽ അന്താരാഷ്ട്ര സമ്മർദ്ദം വർധിപ്പിക്കുകയാണ് ലക്ഷ്യം. അദിയാല ജയിൽ തടവിലായിരിക്കുന്ന ഇമ്രാൻ ഖാന്റെ വലത് കണ്ണിന്റെ കാഴ്ചശക്തി ഏകദേശം 85 ശതമാനം നഷ്ടപ്പെട്ടതായി റിപ്പോർട്ടുണ്ട്. കാഴ്ചക്കുറവ് സംബന്ധിച്ച് ജയിൽ അധികൃതരെ അറിയിച്ചിട്ടും മതിയായ ചികിത്സ ലഭ്യമാക്കിയിട്ടില്ലെന്ന് അഭിഭാഷകർ പാക് സുപ്രീം കോടതിയെ അറിയിച്ചു. നിലവിൽ വലത് കണ്ണിൽ ഏകദേശം 15 ശതമാനം കാഴ്ച മാത്രമാണുള്ളതെന്നാണ് വിവരം. വിദഗ്ധ ചികിത്സ തുടർച്ചയായി നൽകുക, കുടുംബാംഗങ്ങളെ കാണാനുള്ള അവസരം ഒരുക്കുക, അന്താരാഷ്ട്ര നിലവാരത്തിലുള്ള തടവ് ...

ഇസ്രയേൽ സൈന്യം ലെബനൻ–സിറിയ അതിർത്തിയിൽ നടത്തിയ വ്യോമാക്രമണത്തിൽ നാല് പേർ കൊല്ലപ്പെട്ടതായി ലെബനീസ് ആരോഗ്യമന്ത്രാലയം അറിയിച്ചു. കഴിഞ്ഞ ദിവസം പുലർച്ചെയായിരുന്നു ആക്രമണം നടന്നതെന്ന് അധികൃതർ വ്യക്തമാക്കി.മരണപ്പെട്ടവരിൽ ഒരാൾ സിറിയൻ പൗരനാണെന്ന് നാഷണൽ ന്യൂസ് ഏജൻസി റിപ്പോർട്ട് ചെയ്തു. ആക്രമണം സ്ഥിരീകരിച്ച ഇസ്രയേൽ സൈന്യം, ലെബനനിലെ പലസ്തീനിയൻ ഇസ്ലാമിക് ജിഹാദ് (PIJ) സംഘത്തെ ലക്ഷ്യമിട്ടാണെന്ന് എക്‌സിൽ അറിയിച്ചു. ലെബനനിലെ മജ്ദാൽ അൻജാർ പ്രദേശത്താണ് റെയ്ഡ് നടന്നതെന്നും സൈന്യം കൂട്ടിച്ചേർത്തു. സംഭവത്തിൽ PIJ ഇതുവരെ പ്രതികരണം നടത്തിയിട്ടില്ല. പലസ്തീൻ അതിർത്തിയിലെ സായുധ സംഘമായ PIJ, ഹമാസ് സംഘത്തോടൊപ്പം പ്രവർത്തിക്കുന്നതായി കരുതപ്പെടുന്നു. കൂടാതെ ലെബനനിലെ സായുധ സംഘടനയായ ഹിസ്ബുള്ളയുടെ സഖ്യസംഘടനയുമാണ് PIJ. ഇസ്രയേലും ഹിസ്ബുള്ളയും 2024 നവംബറിൽ വെടിനിർത്തൽ കരാറിലെത്തിയിരുന്നെങ്കിലും അതിർത്തിപ്രദേശങ്ങളിൽ ഇടയ്ക്കിടെ...

പ്യോംഗ്യാങ്: ഉത്തരകൊറിയൻ ഭരണാധികാരി കിം ജോങ് ഉൻ തന്റെ അനന്തരാവകാശിയായി കൗമാരക്കാരിയായ മകൾ കിം ജു-എയെ തെരഞ്ഞെടുത്തതായി റിപ്പോർട്ട്. ദക്ഷിണകൊറിയൻ ചാരസംഘടനയായ നാഷണൽ ഇന്റലിജൻസ് സർവീസ് (NIS) പുറത്തുവിട്ട സാഹചര്യ തെളിവുകൾ അടിസ്ഥാനപ്പെടുത്തിയാണ് ഈ വിലയിരുത്തൽ. ഈ മാസം അവസാനം പ്യോംഗ്യാങിൽ നടക്കാനിരിക്കുന്ന നോർത്ത് കൊറിയൻ വർക്കേഴ്സ് പാർട്ടി കോൺഗ്രസിൽ കിം ജു-എ പങ്കെടുക്കുമോയെന്ന് ദക്ഷിണകൊറിയൻ ഏജൻസി നിരീക്ഷിക്കുന്നതായി റിപ്പോർട്ടുണ്ട്. ഭരണാധികാരിയായി ചുമതലയേൽക്കാനുള്ള പരിശീലനം കിം ജു-എയ്ക്ക് ലഭിച്ചിട്ടുണ്ടെന്നും പ്രായപരമായ തയ്യാറെടുപ്പും ഉണ്ടെന്നുമാണ് എൻഐഎസ് വിലയിരുത്തൽ. ഔദ്യോഗിക ചടങ്ങുകളിൽ കിം ജോങ് ഉനോടൊപ്പമുള്ള അവളുടെ സ്ഥിരം സാന്നിധ്യം ഉൾപ്പെടെ നിരവധി സാഹചര്യങ്ങൾ പരിഗണിച്ചാണ് ഈ നിഗമനം. കഴിഞ്ഞ വർഷം കിമ്മിനൊപ്പമുള്ള ബീജിംഗ് സന്ദർശനത്തിലും കിം ജു-എ പങ്കെടുത്തിരുന്നു. മുമ്പ് കിം ജോങ് ഉന്...

ന്യൂഡൽഹി: ഇന്ത്യൻ വ്യോമസേനയ്ക്കായി 3.25 ലക്ഷം കോടി രൂപയുടെ 114 റാഫേൽ യുദ്ധവിമാനങ്ങൾ വാങ്ങുന്നതിനുള്ള കരാറിന് ഇന്ത്യ അനുമതി നൽകി. പ്രതിരോധ മന്ത്രി രാജ്‌നാഥ് സിങ്ങിന്റെ അധ്യക്ഷതയിൽ ചേർന്ന ഡിഫൻസ് അക്വിസിഷൻ കൗൺസിൽ (ഡിഎസി) യോഗമാണ് നിർദേശത്തിന് അംഗീകാരം നൽകിയത്. ഫ്രഞ്ച് പ്രസിഡൻറ് ഇമ്മാനുവൽ മാക്രോണിന്റെ വരാനിരിക്കുന്ന ഇന്ത്യാ സന്ദർശനത്തിന് മുന്നോടിയായാണ് തീരുമാനം. നിർദേശപ്രകാരം 18 വിമാനങ്ങൾ ഫ്രാൻസിലെ ഡസ്സോൾട്ട് ഏവിയേഷനിൽ നിന്ന് നേരിട്ട് വാങ്ങുകയും ശേഷിക്കുന്ന 96 ജെറ്റുകൾ ഇന്ത്യയിൽ നിർമ്മിക്കുകയും ചെയ്യും. സാങ്കേതികവിദ്യ കൈമാറ്റവും ‘മേക്ക് ഇൻ ഇന്ത്യ’ പദ്ധതിയെ ശക്തിപ്പെടുത്തുന്നതുമാണ് കരാറിന്റെ പ്രധാന ലക്ഷ്യങ്ങൾ. പ്രതിരോധ മന്ത്രാലയത്തിന്റെ അനുമതിക്ക് ശേഷം പ്രധാനമന്ത്രി നരേന്ദ്ര മോദിയുടെ അധ്യക്ഷതയിലുള്ള സുരക്ഷാകാര്യ കാബിനറ്റ് കമ്മിറ്റിയുടെ അന്തിമ അംഗീകാരവും ആവശ്യമാണ്. സംഘർഷ സാധ്യതയുള...

ന്യൂഡൽഹി: ഇന്ത്യയും അമേരിക്കയും തമ്മിലുള്ള നിർണ്ണായക വ്യാപാര കരാറിന്റെ സംയുക്ത പ്രസ്താവന അടുത്ത അഞ്ച് ദിവസത്തിനുള്ളിൽ പുറത്തിറങ്ങും. കരാറിന്റെ വ്യവസ്ഥകളെ സംബന്ധിച്ച അനിശ്ചിതത്വങ്ങൾ നിലനിൽക്കുന്നതിനിടെയാണ്  ഈ നീക്കം. വിപുലമായ ഉഭയകക്ഷി കരാറിന്റെ നിയമപരമായ ചട്ടക്കൂടും ഇതോടൊപ്പം പ്രസിദ്ധീകരിക്കും. കരാറിന്റെ പ്രധാന ഭാഗങ്ങൾ തയ്യാറായതായും വരും ദിവസങ്ങളിൽ പ്രസ്താവന പുറത്തിറക്കുമെന്നും കേന്ദ്ര വാണിജ്യമന്ത്രി പീയുഷ് ഗോയൽ അറിയിച്ചു. കരാർ യാഥാർത്ഥ്യമാകുന്നതോടെ നിലവിൽ ഇന്ത്യ നേരിടുന്ന ഭാരമേറിയ ഇറക്കുമതി തീരുവകളിൽ വലിയ കുറവുണ്ടാകുമെന്നാണ് പ്രതീക്ഷിക്കുന്നത്. നിലവിൽ ഇന്ത്യൻ ഉൽപ്പന്നങ്ങൾക്ക് അമേരിക്ക 25% തീരുവയാണ് ചുമത്തുന്നത്. കൂടാതെ റഷ്യൻ എണ്ണ വാങ്ങുന്നതിലെ നിയന്ത്രണങ്ങളുടെ ഭാഗമായി മറ്റൊരു 25% കൂടി ചേർത്ത് ആകെ 50% തീരുവയാണ് ഇന്ത്യ നൽകേണ്ടി വരുന്നത്. കരാർ നിലവിൽ വരുന്നതോടെ ഇത് 18 ശതമാനമായി കുറയും. ...

വാഷിങ്ടന്‍: അമേരിക്കന്‍ പ്രസിഡന്റ് ഡോണള്‍ഡ് ട്രംപിനെ വധിക്കാന്‍ ശ്രമിച്ച കേസിലെ പ്രതിക്ക് ജീവപര്യന്തം ശിക്ഷ. പ്രതി റയാന്‍ റൂത്തിനെയാണ് ശിക്ഷിച്ചത്. പരോള്‍ ഇല്ലാത്ത ജീവപര്യന്തമാണ് യു എസ് ഡിസ്ട്രിക്റ്റ് ജഡ്ജി ഐലീന്‍ കാനണ്‍ വിധിച്ചത്. ഇതോടൊപ്പം തോക്ക് കേസില്‍ ഏഴ് വര്‍ഷം തടവും വിധിച്ചിട്ടുണ്ട്. 2024-ല്‍ ഫ്‌ലോറിഡ ഗോള്‍ഫ് കോഴ്സില്‍ വെച്ച് പ്രസിഡന്റ് ട്രംപിനെ വധിക്കാന്‍ ശ്രമിച്ചെന്നാണ് കേസ്. പ്രസിഡന്റ് സ്ഥാനാര്‍ത്ഥിയെ വധിക്കാന്‍ ശ്രമിച്ചു, കുറ്റകൃത്യത്തിനായി തോക്ക് ഉപയോഗിച്ചു, ഒരു ഫെഡറല്‍ ഉദ്യോഗസ്ഥനെ ആക്രമിച്ചു, തോക്ക് കൈവശം വച്ചു, വികൃതമാക്കിയ സീരിയല്‍ നമ്പറുള്ള തോക്ക് ഉപയോഗിച്ചു എന്നീ കുറ്റങ്ങളാണ് റയാന്‍ റൂത്തിനെതിരെ ചുമത്തിയിരുന്നത്. പ്രതി റയാന്‍ റൂത്ത് ചെയ്ത കുറ്റം ഒരു തരത്തിലും അംഗീകരിക്കാനാവില്ലെന്ന് ഫെഡറല്‍ പ്രോസിക്യൂട്ടര്‍ വ്യക്തമാക്കിയിരുന്നു. സെപ്റ്റംബറില്‍ പ്രതി കുറ്റക്കാരനാണെന്ന...

ടോക്കിയോ: നിപ വൈറസിനെതിരെ വാക്സിന്‍ പരീക്ഷണത്തിനൊരുങ്ങി ജപ്പാന്‍. ടോക്കിയോ സര്‍വകലാശാലയിലെ ഗവേഷകരാണ് വാക്സിന്‍ വികസിപ്പിച്ചത്. ഏപ്രില്‍ മാസത്തോടെ ക്ലിനിക്കല്‍ ട്രയല്‍ തുടങ്ങുമെന്നാണ് ജപ്പാനിലെ മാധ്യമങ്ങള്‍ റിപ്പോര്‍ട്ട് ചെയ്തു. നിപ വൈറസിനെ ഇല്ലാതാക്കാന്‍ നിലവില്‍ വാക്സിനുകളോ മരുന്നോ ഒന്നും തന്നെ കണ്ടെത്തിയിട്ടില്ല. പശ്ചിമബംഗാളില്‍ രണ്ട് പേര്‍ക്ക് നിപ സ്ഥിരീകരിച്ച സാഹചര്യത്തിലാണ് ജപ്പാന്റെ പുതിയ നീക്കം. നിപ വൈറസിന്റെ ജനിതക ഘടനകളുടെ ഒരു ഭാഗവും മീസില്‍സും ചേര്‍ത്താണ് പുതിയ വാക്സിന്‍ വികസിപ്പിക്കുന്നതെന്നാണ് പുറത്തുവരുന്ന വിവരം. വാക്സിന്‍ മനുഷ്യശരീരത്തിലേക്ക് പ്രവേശിച്ചാല്‍ നിപ വൈറസിന് സമാനമായ ആന്റിജെന്‍ പ്രോട്ടീന്‍ ഉല്‍പ്പാദിപ്പിക്കപ്പെടും. ഇത് നിപ വൈറസിനെ തിരിച്ചറിയാന്‍ പ്രതിരോധ സംവിധാനത്തെ പരിശീലിപ്പിക്കുകയും രോഗം വന്നാലും അതിന്റെ തീവ്രത കുറയ്ക്കാന്‍ സഹായിക്കുമെന്നുമാണ് വിദഗ്ധര്‍ പറയുന...