Crime

പാലക്കാട്: കഞ്ചിക്കോട് അഞ്ചു വയസ്സുകാരിയുടെ സ്വകാര്യഭാഗത്ത് ചട്ടുകം ചൂടാക്കി പൊള്ളലേൽപ്പിച്ച സംഭവത്തിൽ വളർത്തമ്മ നൂർ നാസറിനെ (റൂബി-35) വാളയാർ പോലീസ് അറസ്റ്റ് ചെയ്തു. ബിഹാർ സ്വദേശിനിയായ ഇവർ കഞ്ചിക്കോട് കിഴക്കേമുറിയിലാണ് താമസിക്കുന്നത്. ​ഡിസംബർ രണ്ടിനാണ് കേസിനാസ്പദമായ സംഭവം നടന്നത്. ഇന്നലെ അങ്കണവാടിയിൽ എത്തിയ കുട്ടിക്ക് ഇരിക്കാൻ പ്രയാസം നേരിടുന്നത് ശ്രദ്ധയിൽപ്പെട്ട അധ്യാപിക നടത്തിയ അന്വേഷണത്തിലാണ് ഞെട്ടിക്കുന്ന വിവരങ്ങൾ പുറത്തുവന്നത്. കുട്ടിയുടെ സ്വകാര്യഭാഗത്ത് ഗുരുതരമായി പൊള്ളലേറ്റ നിലയിലായിരുന്നു. വളർത്തമ്മ നിരന്തരമായി ഉപദ്രവിക്കാറുണ്ടെന്നും കുട്ടി അധ്യാപികയോട് വെളിപ്പെടുത്തി. ​ ​അങ്കണവാടി അധ്യാപിക നൽകിയ വിവരത്തിന്റെ അടിസ്ഥാനത്തിൽ പോലീസ് സ്ഥലത്തെത്തി കുട്ടിയുടെ അച്ഛൻ മുഹമ്മദ് ഇംത്യാസിന്റെ മൊഴി രേഖപ്പെടുത്തി. തുടർന്ന് പ്രതിയെ അറസ്റ്റ് ചെയ്യുകയായിരുന്നു.ജുവനൈൽ ജസ്റ്റിസ് ആക്ട് (JJ Act) പ...

തിരുവനന്തപുരം: കഴക്കൂട്ടത്ത് നാലു വയസ്സുകാരനെ കൊലപ്പെടുത്തിയ സംഭവത്തിൽ അമ്മയും സുഹൃത്തും ഉടൻ പിടിയിലാകും. പശ്ചിമ ബംഗാൾ സ്വദേശിനിയായ മുന്നി ബീഗം, ഇവരുടെ സുഹൃത്ത് തൻബീർ ആലം എന്നിവരെ കഴക്കൂട്ടം പൊലീസ് കസ്റ്റഡിയിലെടുത്ത് ചോദ്യം ചെയ്തു വരികയാണ്. കൊലപാതകത്തിൽ അമ്മയുടെ പങ്ക് വിശദമായി പരിശോധിച്ച ശേഷമായിരിക്കും ഇരുവരുടെയും അറസ്റ്റ് രേഖപ്പെടുത്തുക. കുട്ടി ഉറങ്ങിയ ശേഷം ഉണർന്നില്ലെന്നാണ് അമ്മ ആദ്യം ആശുപത്രി അധികൃതരെ അറിയിച്ചിരുന്നത്. എന്നാൽ, കുട്ടിയുടെ കഴുത്തിൽ കണ്ട രണ്ട് പാടുകളിൽ അസ്വാഭാവികത തോന്നിയ ഡോക്ടർ ഉടൻ പൊലീസിനെ വിവരമറിയിക്കുകയായിരുന്നു. തുടർന്ന് നടത്തിയ പോസ്റ്റ്‌മോർട്ടത്തിലാണ് മരണം കൊലപാതകമാണെന്ന് സ്ഥിരീകരിച്ചത്. ഇതോടെയാണ് അമ്മയെയും സുഹൃത്തിനെയും പൊലീസ് കസ്റ്റഡിയിലെടുത്തത്.​സംഭവത്തിൽ കൂടുതൽ പേർക്ക് പങ്കുണ്ടോ എന്നും പൊലീസ് അന്വേഷിക്കുന്നുണ്ട്. ചോദ്യം ചെയ്യലിന് ശേഷം കൊലപാതകത്തിന്റെ കാരണം ഉൾപ...