ലോകകപ്പ് സ്വപ്നത്തിന് വിരാമം; സ്പെയിനിനോട് തോറ്റ് പോർച്ചുഗൽ പുറത്ത്, കണ്ണീരോടെ റൊണാൾഡോയുടെ മടക്കം
ഡാളസ്: ക്രിസ്റ്റ്യാനോ റൊണാൾഡോയുടെ ലോകകപ്പ് കിരീട സ്വപ്നങ്ങൾക്ക് അവസാനമായി തിരശീല വീണു. ഫിഫ ലോകകപ്പിന്റെ പ്രീ ക്വാർട്ടർ പോരാട്ടത്തിൽ സ്പെയിനിനോട് എതിരില്ലാത്ത ഒരു ഗോളിന് പരാജയപ്പെട്ടതോടെ പോർച്ചുഗൽ ടൂർണമെന്റിൽ നിന്ന് പുറത്തായി.
മത്സരത്തിന്റെ 91-ാം മിനിറ്റിൽ പകരക്കാരനായി ഇറങ്ങിയ മികേൽ മെറീനോ നേടിയ ഗോളാണ് സ്പെയിനിന് ക്വാർട്ടർ ഫൈനൽ ടിക്കറ്റ് സമ്മാനിച്ചത്. അതേസമയം, നാല് പതിറ്റാണ്ട് നീണ്ട ക്രിസ്റ്റ്യാനോ റൊണാൾഡോയുടെ ഫുട്ബോൾ ജീവിതത്തിലെ ഏറ്റവും വലിയ ആഗ്രഹങ്ങളിലൊന്നായ ലോകകപ്പ് കിരീട മോഹത്തിനും ഇതോടെ വിരാമമായി.
ഗോൾരഹിതമായി നീങ്ങിയ മത്സരത്തിൽ ആദ്യ പകുതിയിൽ കൂടുതൽ ആക്രമണങ്ങൾ നടത്തിയത് സ്പെയിനായിരുന്നു. മൈക്കൽ ഒയാർസബാലിലൂടെ ലഭിച്ച മികച്ച അവസരം ഗോൾ ആക്കുന്നതിൽ അവർ പരാജയപ്പെട്ടെങ്കിലും കളിയുടെ നിയന്ത്രണം ഭൂരിഭാഗം സമയവും സ്പാനിഷ് സംഘത്തിനൊപ്പമായിരുന്നു.
മറുവശത്ത്, പോർച്ചുഗലിന് മത്സരത്തിലുടനീളം ...
