National

ദില്ലി: നീറ്റ് പരീക്ഷാ ക്രമക്കേടുമായി ബന്ധപ്പെട്ട് പാർലമെന്റിൽ ചർച്ച നടത്താൻ കേന്ദ്ര സർക്കാർ സന്നദ്ധത അറിയിച്ചു. പ്രതിപക്ഷത്തിന്റെ ശക്തമായ പ്രതിഷേധങ്ങൾക്കൊടുവിലാണ് സർക്കാർ നിലപാട് വ്യക്തമാക്കിയത്. ലോക്‌സഭാ സ്പീക്കർ ഓം ബിർളയും പാർലമെന്ററി കാര്യ മന്ത്രി കിരൺ റിജിജുവും നീറ്റ് വിഷയത്തിൽ എപ്പോൾ വേണമെങ്കിലും ചർച്ച നടത്താൻ സർക്കാർ തയ്യാറാണെന്ന് അറിയിച്ചു. എല്ലാ കക്ഷി നേതാക്കളുമായും കൂടിയാലോചിച്ച് ചർച്ചയുടെ സമയവും ദൈർഘ്യവും തീരുമാനിക്കുമെന്നും റിജിജു വ്യക്തമാക്കി. രാവിലെ പിരിഞ്ഞ ശേഷം വീണ്ടും ചേർന്ന ലോക്‌സഭയിലാണ് സർക്കാർ നിലപാട് വ്യക്തമാക്കിയത്. സഭാ സമ്മേളനം ആരംഭിച്ചതു മുതൽ തന്നെ ചർച്ചയ്ക്ക് തയ്യാറായിരുന്നുവെന്നും പ്രതിപക്ഷത്തിന്റെ പ്രതിഷേധം മൂലമാണ് ചർച്ച നടക്കാതിരുന്നതെന്നും മന്ത്രി ആരോപിച്ചു. അതേസമയം, വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജിവയ്ക്കാതെ ചർച്ചയ്ക്ക് പ്രസക്തിയില്ലെന്ന നിലപ...

ദില്ലി: നീറ്റ് പരീക്ഷാ ചോദ്യപ്പേപ്പർ ചോർച്ചയുമായി ബന്ധപ്പെട്ട് പ്രധാനമന്ത്രിയുടെ വസതിക്ക് മുന്നിൽ നടന്ന പ്രതിഷേധത്തിൽ പങ്കെടുത്ത കോൺഗ്രസ് നേതാക്കൾക്കും പ്രവർത്തകർക്കുമെതിരെ കൂടുതൽ ഗുരുതര വകുപ്പുകൾ ചുമത്തുന്നതുമായി ബന്ധപ്പെട്ട് ദില്ലി പൊലീസ് നിയമോപദേശം തേടും. കോൺഗ്രസ് നേതാക്കളായ രാഹുൽ ഗാന്ധി, പ്രിയങ്ക ഗാന്ധി, മല്ലികാർജുൻ ഖർഗെ, കെ.സി. വേണുഗോപാൽ എന്നിവരുടെ നേതൃത്വത്തിലായിരുന്നു പ്രതിഷേധം. നിലവിൽ അനധികൃതമായി സംഘം ചേരൽ, ഔദ്യോഗിക കൃത്യനിർവഹണം തടസ്സപ്പെടുത്തൽ എന്നിവ ഉൾപ്പെടെയുള്ള വിവിധ വകുപ്പുകൾ പ്രകാരമാണ് കേസ് രജിസ്റ്റർ ചെയ്തിരിക്കുന്നത്. പ്രതിഷേധവുമായി ബന്ധപ്പെട്ട സംഭവങ്ങളിൽ ഇതുവരെ ആകെ പത്ത് കേസുകൾ രജിസ്റ്റർ ചെയ്തതായി ദില്ലി പൊലീസ് അറിയിച്ചു. അതേസമയം, കൊണാട്ട് പ്ലേസിൽ നടന്ന മറ്റൊരു പ്രതിഷേധത്തിനിടെ ദ്രുത കർമ്മ സേനയെ ആക്രമിച്ചെന്നാരോപിച്ച് കോക്രോച് ജനത പാർട്ടി (സി.ജെ.പി) പ്രവർത്തകർക്കെതിരെ...

ഡൽഹി: സിബിഎസ്ഇ പ്ലസ് ടു പുനർമൂല്യനിർണയ ഫലപ്രഖ്യാപനത്തിന് പിന്നാലെ പുതിയ പരാതികൾ ഉയരുന്നു. പുനർമൂല്യനിർണയത്തിന് അപേക്ഷ നൽകാത്ത വിഷയങ്ങളിൽ പോലും മാർക്ക് മാറ്റം വരുത്തിയെന്നും ചില കേസുകളിൽ മാർക്ക് കുറച്ചുവെന്നുമാണ് വിദ്യാർത്ഥികളുടെ ആരോപണം. പുനർമൂല്യനിർണയത്തിനായി അപേക്ഷിച്ച ചില വിഷയങ്ങൾ പരിശോധിക്കാതെയാണ് ഫലം പ്രസിദ്ധീകരിച്ചതെന്നും വിദ്യാർത്ഥികൾ പരാതിപ്പെടുന്നു. ഇതുമായി ബന്ധപ്പെട്ട് നിരവധി പരാതികൾ ലഭിച്ചിട്ടുണ്ടെന്ന് വിദ്യാർത്ഥികൾക്ക് വേണ്ടി സുപ്രീംകോടതിയിൽ ഹാജരായ അഭിഭാഷകൻ വീനിത് ജിൻഡാൽ അറിയിച്ചു. സിബിഎസ്ഇയുടെ നടപടിക്കെതിരെ കോടതിയെ സമീപിക്കാനാണ് വിദ്യാർത്ഥികളുടെയും രക്ഷിതാക്കളുടെയും നീക്കം. അപേക്ഷ നൽകാത്ത വിഷയങ്ങളിൽ മാർക്ക് വ്യത്യാസം വന്നതും, ചില പേപ്പറുകളുടെ പുനർമൂല്യനിർണയം നടന്നിട്ടില്ലെന്ന ആരോപണവും വിശദമായി പരിശോധിക്കണമെന്നാണ് ആവശ്യം. കഴിഞ്ഞ ദിവസമാണ് പുനർമൂല്യനിർണയത്തിന് അപേക്ഷ നൽകി...