നിർജ്ജലീകരണം തടയാം; ഡയറ്റിൽ ഉൾപ്പെടുത്തേണ്ടത് ഈ ഏഴ് ഭക്ഷണങ്ങൾ
ദേഹത്ത് ജലാംശം കുറയുന്നതുകാരണം ഉണ്ടാകുന്ന ആരോഗ്യ പ്രശ്നമാണ് നിര്‍ജ്ജലീകരണം. വെള്ളം അടങ്ങിയ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തുന്നതിലൂടെ നിര്‍ജ്ജലീകരണത്തെ തടയാം. അത്തരത്തില്‍ നിര്‍ജ്ജലീകരണത്തെ തടയാന്‍ സഹായിക്കുന്ന ചില ഭക്ഷണങ്ങൾ ഇതാ.
- തണ്ണിമത്തന്‍
തണ്ണിമത്തനില്‍ 92 ശതമാനവും വെള്ളം അടങ്ങിയിട്ടുണ്ട്. കൂടാതെ ഇവയില്‍ വിറ്റാമിന്‍ എയും സിയും അടങ്ങിയിരിക്കുന്നു. ഇവ നിര്‍ജ്ജലീകരണത്തെ തടയാനും രോഗ പ്രതിരോധശേഷി കൂട്ടാനും ഗുണം ചെയ്യും.
- വെള്ളരിക്ക
വെള്ളരിക്കയില്‍ 95 ശതമാനവും വെള്ളം അടങ്ങിയിട്ടുണ്ട്. കൂടാതെ പൊട്ടാസ്യവും മഗ്നീഷ്യവും അടങ്ങിയ വെള്ളരിക്ക കഴിക്കുന്നതും നിര്‍ജ്ജലീകരണത്തെ ഒഴിവാക്കാന്‍ ഗുണം ചെയ്യും.
- തക്കാളി
തക്കാളിയില്‍ 94 ശതമാനവും വെള്ളം ഉണ്ട്. കൂടാതെ ഇവയില്‍ വിറ്റാമിന്‍ എ, സി, ലൈക്കോപ്പിന്‍ പോലെയുള്ള ആന്‍റി ഓക്സിഡ‍ന്‍റുകള്‍ തുടങ്ങിയവയും അടങ്ങിയിരിക്കുന്നു. ഇവ നിര്‍ജ്ജലീകരണത്തെ തടയാന്‍ സഹായിക്കും. രോഗ പ്രതിരോധശേഷി വര്‍ധിപ്പിക്കാനും ഇവ ഗുണം ചെയ്യും.
- കാപ്സിക്കം
ബെല്‍ പെപ്പര്‍ അഥവാ കാപ്സിക്കത്തിലും 92 ശതമാനം വെള്ളം അടങ്ങിയിരിക്കുന്നു. ഇവയില്‍ വിറ്റാമിന്‍ എ, സി, ബി6 തുടങ്ങിയവയും ഉണ്ട്. അതിനാല്‍ ബെല്‍ പെപ്പര്‍ ഡയറ്റില്‍ ഉള്‍പ്പെടുത്തുന്നതും നിര്‍ജ്ജലീകരണം ഒഴിവാക്കാനും രോഗ പ്രതിരോധശേഷി കൂട്ടാനും സഹായിക്കും.
- ഓറഞ്ച്
ഓറഞ്ചില്‍ 86 ശതമാനം വെള്ളം അടങ്ങിയിരിക്കുന്നു. കൂടാതെ വിറ്റാമിന്‍ സിയും പൊട്ടാസ്യവും അടങ്ങിയ ഓറഞ്ച് ഡയറ്റില്‍ ഉള്‍പ്പെടുത്തുന്നതും നിര്‍ജ്ജലീകരണത്തെ ഒഴിവാക്കാന്‍ ഗുണം ചെയ്യും. രോഗ പ്രതിരോധശേഷി കൂട്ടാനും ഇവ സഹായിക്കും.
- തൈര്
85 % വെള്ളം അടങ്ങിയിട്ടുള്ള തൈര് കഴിക്കുന്നതും നിര്‍ജ്ജലീകരണം ഒഴിവാകാന്‍ നല്ലതാണ്.
- ഇളനീര്
ഇളനീരാണ് അവസാനമായി ഈ പട്ടികയില്‍ ഉള്‍പ്പെടുന്നത്. പൊട്ടാസ്യം ധാരാളം അടങ്ങിയ ഇളനീര് ദാഹം ശമിപ്പിക്കാനും നിര്‍ജ്ജലീകരണം ഒഴിവാക്കാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുക.
