തൃശൂരിൽ വന്ദേഭാരതിന് നേരേ കല്ലേറ്; പ്രതി കസ്റ്റഡിയിൽ

തൃശൂർ: തൃശൂരിൽ വന്ദേഭാരത് എക്സ്പ്രസിന് നേരെ കല്ലേറ്. ഇന്നു രാവിലെ രാവിലെ 9.25 നാണ് തിരുവനന്തപുരത്ത് നിന്ന് കാസർകോഡ് പോവുകയായിരുന്ന ട്രെയിനിന് നേരെ കല്ലേറുണ്ടായത്. രണ്ടു കോച്ചുകളിലെ ​ഗ്ലാസുകൾ പൊട്ടി. c2, c4 കോച്ചുകളുടെ ചില്ലുകളാണ് കല്ലേറിൽ തകർന്നത്.

സംഭവത്തിൽ പ്രതിയെ ആർപിഎഫ് കസ്റ്റഡിയിലെടുത്തു. മാനസിക വിഭ്രാന്തിയുള്ള ആളാണ് അതിക്രമം നടത്തിയതെന്ന് ആർപിഎഫ് അറിയിച്ചു. നേരത്തേയും വന്ദേഭാരതിന് നേരെ ആക്രമണമുണ്ടായിട്ടുണ്ട്.