സ്കൂളിൽ നിന്നും വീട്ടിലേക്ക് വരുന്നതിനിടെ കുഴഞ്ഞുവീണു; ആലപ്പുഴയിൽ പ്ലസ് വൺ വിദ്യാർത്ഥിനി മരിച്ചു
ആലപ്പുഴ: സ്കൂളിൽ നിന്നും വീട്ടിലേക്ക് വരുന്നതിനിടെ കുഴഞ്ഞുവീണ വിദ്യാർത്ഥിനി ചികിത്സയിലിരിക്കെ മരിച്ചു. ആലപ്പുഴ മുഹമ്മ സ്വദേശികളായ സജീഷ്-കവിത ദമ്പതികളുടെ മകൾ താര സജീഷാണ് മരിച്ചത്. മുഹമ്മ എബിവി എച്ച് എസ് എസിലെ പ്ലസ് വൺ വിദ്യാർത്ഥിനിയാണ്. ഇന്നലെ വൈകിട്ട് സ്കൂൾ വിട്ടുവരുന്ന വഴി റോഡിൽ കുഴഞ്ഞു വീഴുകയായിരുന്നു.
ആലപ്പുഴ മെഡിക്കൽ കോളേജിൽ ചികിത്സയിലിരിക്കെ ഇന്ന് രാവിലെയാണ് മരണം സംഭവിച്ചത്. സജീഷ്-കവിത ദമ്പതികളുടെ മൂത്ത മകളാണ് താര.
