അതിരപ്പിള്ളി മലക്കപ്പാറ റോഡിൽ ആംബുലൻസിന് നേരെ ചീറിയെത്തി കാട്ടുകൊമ്പൻ കബാലി
തൃശൂർ: അതിരപ്പിള്ളി മലക്കപ്പാറ റോഡിൽ ആംബുലൻസ് തടഞ്ഞിട്ട് കബാലി എന്ന കാട്ടുകൊമ്പൻ. ഇന്നലെ വൈകുന്നേരം നാലരയോടെയാണ് സംഭവം. ഉച്ചയ്ക്ക് ഒന്നേമുക്കാലോടെ അടിച്ചുതൊട്ടി കോളനിയിൽ നിന്നും രണ്ട് രോഗികളെ ആശുപത്രിയിൽ കൊണ്ടുചെന്ന് അവരെ തിരികെ കോളനിയിലെത്തിച്ച് മടങ്ങുമ്പോൾ ആംബുലൻസ് കബാലിയുടെ പെടുകയായിരുന്നു. ഒരു മണിക്കൂറിലേറെ ഭീതി പരത്തി വാഹന ഗതാഗതം ഉണ്ടാക്കിയ ശേഷമാണ് കബാലി കാടു കയറിയത്.
ഇതിനിടെ ആംബുലൻസിന് നേരെ ചീറിയടുക്കാനും കബാലി മടിച്ചില്ല. മഴയുള്ള സമയത്ത് കബാലി ആംബുലൻസിന് നേരെ ചീറിയടുക്കുന്ന ദൃശ്യങ്ങൾ ഇതിനോടകം പുറത്ത് വന്നിട്ടുണ്ട്. ആംബുലൻസിൽ രോഗികൾ ഇല്ലാത്തതിനാൽ വാഹനം നല്ല സ്പീഡിൽ പിന്നോട്ട് എടുക്കാൻ സാധിച്ചതിനാലാണ് വലിയ അപകടം ഒഴിവായത്. റോഡിൽ ഇറങ്ങി നിന്ന കബാലി വളരെ പെട്ടന്നാണ് ആംബുലൻസിന് നേരെ തിരിഞ്ഞ് ചീറിയടുക്കുന്നത്.
സമാനമായ മറ്റൊരു സംഭവത്തിൽ ആതിരപ്പിള്ളിയിൽ റേഷൻ കട കാട്ടാന ആക്രമിച്ചിരുന്നു. ചൊവ്വാഴ്ച പുലർച്ചയാണ് സംഭവം. കാലടി പ്ലാന്റേഷൻ അതിരപ്പിള്ളി ഡിവിഷനിൽ ഒമ്പതാം ബ്ലോക്കിൽ പോസ്റ്റ് ഓഫീസ് ജംഗ്ഷനിലെ റേഷൻ കടയാണ് കാട്ടാന ആക്രമിച്ചത്.
