സ്കൂൾ വാനും സ്വകാര്യബസും കൂട്ടിയിടിച്ചു; കോഴിക്കോട് ഉണ്ടായ അപകടത്തിൽ 6 വിദ്യാര്‍ത്ഥികള്‍ക്ക് പരിക്ക്
കോഴിക്കോട്: കോഴിക്കോട് സ്കൂൾ വാഹനത്തിൽ സ്വകാര്യബസ് കൂട്ടിയിടിച്ച് അപകടം. എടച്ചേരിയിൽ വച്ചുണ്ടായ അപകടത്തിൽ 6 വിദ്യാർത്ഥികൾക്കും ഡ്രൈവർക്കും പരിക്കേറ്റു. കാർത്തികപ്പള്ളി എം.എം ഓർഫനേജ് ഇംഗ്ലീഷ് മീഡിയം സ്ക്കൂൾ വിദ്യാർത്ഥികൾ സഞ്ചരിച്ച വാഹനമാണ് അപകടത്തിൽപ്പെട്ടത്. വടകരയിൽ നിന്ന് നാദാപുരം ഭാഗത്തേക്ക് പോയ സ്വകാര്യ ബസാണ് ഇടിച്ചത്. സ്കൂൾ വാഹനത്തിൽ കുടുങ്ങിയ ഡ്രൈവറെയും വിദ്യാർത്ഥികളെയും നാട്ടുകാരും ഫയർഫോഴ്സും ചേർന്ന് ഏറെ പണിപ്പെട്ടാണ് പുറത്തെടുത്തത്. ഇവരെ ജില്ലയിലെ വിവിധ ആശുപത്രികളിൽ പ്രവേശിപ്പിച്ചു. ഇതിൽ ഡ്രൈവറുടെ നില ഗുരുതരമാണ്.
