കോഴിക്കോട് വ്യാജ ഡോക്ടറുടെ ചികിത്സ; കോട്ടക്കടവ് ടിഎംഎച്ച് ആശുപത്രിയിൽ ഹൃദയാഘാതത്തിന് ചികിത്സയിലായിരുന്ന രോഗി മരിച്ചു

കോഴിക്കോട്: കോഴിക്കോട് കടലുണ്ടി കോട്ടക്കടവ് ടിഎംഎച്ച് ആശുപത്രിയിൽ രോഗി മരിച്ചത് വ്യാജ ഡോക്ടറുടെ ചികിത്സയെ തുടർന്ന്. പൂച്ചേരിക്കടവ് സ്വദേശി വിനോദ് കുമാറാണ് ചികിത്സയിലിരിക്കെ മരിച്ചത്. ഹൃദയാഘാതത്തെ തുടർന്ന് ആശുപത്രിയിൽ ചികിത്സ തേടിയ വിനോദ് കുമാർ ഈ മാസം 23നാണു മരിച്ചത്. ആശുപത്രിയിലെ ആർഎംഓ അബു അബ്രഹാം ലുക്ക്‌ ആയിരുന്നു വിനോദ് കുമാറിന് ചികിത്സ നൽകിയത്.

എന്നാൽ പിന്നീട് വിനോദിന്റെ മകൻ ഡോക്ടർ അശ്വിൻ നടത്തിയ അന്വേഷണത്തിലാണ് ചികിത്സിച്ച അബു എംബിബിഎസ് പാസായിട്ടില്ലെന്ന് മനസ്സിലായത്. സംഭവത്തിൽ കുടുംബം ഫറോക് പോലീസിൽ പരാതി നൽകിയിരിക്കുകയാണ്. വ്യാജ ഡോക്ടറെ നിയമിച്ച ആശുപത്രി അധികൃതർക്ക് ഗുരുതര വീഴ്ച സംഭവിച്ചെന്ന് വിനോദ് കുമാറിന്റെ മകൻ ഡോക്ടർ അശ്വിൻ പറഞ്ഞു.