സ്ഥലംമാറ്റം, സസ്‌പെൻഷൻ, പരിശീലനം; ഉന്നത ഉദ്യോഗസ്ഥതരുടെ അഭാവത്തിൽ വ​നം​വ​കു​പ്പ് പ്ര​വ​ർ​ത്ത​നം അ​വ​താ​ള​ത്തി​ൽ

വയനാട്: വയനാട് ജില്ലയിലെ വനംവകുപ്പിൽ ഉന്നത ഉദ്യോഗസ്ഥരുടെ അഭാവത്തിൽ പ്രവർത്തനങ്ങൾ അവതാളത്തിലായി. ഉദ്യോഗസ്ഥരുടെ സ്ഥലംമാറ്റവും സസ്‌പെൻഷനും പരിശീലനവുമാണ് വനംവകുപ്പിലെ പ്രവർത്തനങ്ങളെ ബാധിക്കുന്നത്. സൗ​ത്ത് വ​യ​നാ​ട് ഡി.​എ​ഫ്.​ഒ​യെ കാ​സ​ർ​കോ​ടേ​ക്ക് സ്ഥ​ലം മാ​റ്റി​യിരുന്നു. ഇതേത്തു​ട​ർ​ന്ന് ഒ​ല​വ​ക്കോ​ട് അ​സി. ഫോ​റ​സ്റ്റ് ക​ൺ​സ​ർ​വേ​റ്റ​ർ​ക്ക് സൗ​ത്ത് വ​യ​നാ​ട് ഡി​വി​ഷ​ന്റെ അ​ധി​ക ചു​മ​ത​ല ന​ൽ​കി​യി​രുന്നു. എന്നാൽ ഇപ്പോഴും പ്ര​വ​ർ​ത്ത​ന​ങ്ങ​ൾ അ​വ​താ​ള​ത്തി​ലാ​ണെ​ന്നാ​ണ് വ​നം​വ​കു​പ്പ് ജീ​വ​ന​ക്കാ​ർ ത​ന്നെ പ​റ​യു​ന്നു.

സു​ഗ​ന്ധ​ഗി​രി മ​രം മു​റി​യു​മാ​യി ബ​ന്ധ​പ്പെ​ട്ട് സ​സ്പെ​ൻ​ഡ് ചെ​യ്ത ഉ​ദ്യോ​ഗ​സ്ഥ​ർ​ക്കെ​തി​രെ​യും പ​ക​രം നി​യ​മ​നം ന​ട​ത്താ​തെ അ​ധി​ക ചു​മ​ത​ല ന​ൽ​കി​യി​രി​ക്കു​ക​യാ​ണ്. സം​സ്ഥാ​ന​ത്ത് ഏ​റ്റ​വും രൂ​ക്ഷ​മാ​യ വ​ന്യ​മൃ​ഗ​ശ​ല്യ​മു​ള്ള വ​യ​നാ​ട്ടി​ൽ റേ​ഞ്ച് ഓ​ഫി​സ​ർ​മാ​രെ കൂ​ട്ട​ത്തോ​ടെ പ​രി​ശീ​ല​ന​ത്തി​ന​യ​ച്ച​തും വ​ലി​യ പ്ര​തി​സ​ന്ധി​യാ​ണ് ഉ​ണ്ടാ​ക്കു​ന്ന​ത്. ടെ​റി​ട്ടോ​റി​യ​ലി​ലും ഫ്ല​യി​ങ് സ്ക്വാ​ഡി​ലും സാ​മൂ​ഹി​ക വ​ന​വ​ത്ക​ര​ണ വി​ഭാ​ഗ​ത്തി​ലു ഉ​ൾ​പ്പെ​ടെ 14 റേ​ഞ്ച് ഓ​ഫി​സ​ർ​മാ​രാ​ണ് ജി​ല്ല​യി​ലു​ള്ള​ത്.

ഇ​തി​ൽ മൂ​ന്ന് മാ​സ​ക്കാ​ല​ത്തെ പ​രി​ശീ​ല​ന​വു​മാ​യി ബ​ന്ധ​പ്പെ​ട്ട് നാ​ല് റേ​ഞ്ച് ഓ​ഫി​സ​ർ​മാ​രാ​ണ് പു​റ​ത്തേ​ക്ക് പോ​യ​ത്. ക​ൽ​പ​റ്റ റേ​ഞ്ച്, ക​ൽ​പ​റ്റ ഫ്ലൈ​യി​ങ് സ്ക്വാ​ഡ് ഓ​ഫി​സ​ർ​മാ​രെ സു​ഗ​ന്ധ​ഗി​രി മ​രം​മു​റി​യു​ടെ പേ​രി​ൽ അ​ച്ച​ട​ക്ക ന​ട​പ​ടി​ക്ക് വി​ധേ​യ​രാ​യി സ​സ്പെ​ൻ​ഷ​നി​ലു​മാ​ണ്.

പേ​ര്യ, മേ​പ്പാ​ടി, ചെ​ത​ല​യം, സു​ൽ​ത്താ​ൻ ബ​ത്തേ​രി വ​ന്യ​ജീ​വി സ​ങ്കേ​തം എ​ന്നി​വി​ട​ങ്ങ​ളി​ലെ റേ​ഞ്ച് ഓ​ഫി​സ​ർ​മാ​രാ​ണ് പ​രി​ശീ​ല​ന​ത്തി​ലു​ള്ള​ത്. ആ​ളി​ല്ലാ​ത്തി​ട​ത്തെ​ല്ലാം അ​ധി​ക ചു​മ​ത​ല​യാ​ണ് ന​ൽ​കി​യി​രി​ക്കു​ക​യാ​ണ്. ഇ​ത് വ​നം​വ​കു​പ്പി​ന്റെ എ​ല്ല ത​ല​ത്തി​ലു​മു​ള്ള പ്ര​വ​ർ​ത്ത​ന​ങ്ങ​ളെ കാ​ര്യ​മാ​യി ബാ​ധി​ക്കു​ന്നു​ണ്ട്.

മാ​ന​ന്ത​വാ​ടി റേ​ഞ്ച് ഓ​ഫി​സ​ർ​ക്കാ​ണ് മേ​പ്പാ​ടി​യു​ടെ അ​ധി​ക​ച്ചു​മ​ത​ല​യെ​ങ്കി​ലും വ​ന്യ​ജീ​വി ശ​ല്യം ഏ​റ്റ​വും രൂ​ക്ഷ​മാ​യ മാ​ന​ന്ത​വാ​ടി​യി​ൽ റേ​ഞ്ച് ഓ​ഫി​സ​റു​ടെ സ്ഥി​ര സാ​ന്നി​ധ്യം ആ​വ​ശ്യ​മു​ണ്ട്. അ​തു കൊ​ണ്ടു​ത​ന്നെ വ​ന്യമൃ​ഗശ​ല്യം കൂ​ടു​ത​ലു​ള്ള മേ​പ്പാ​ടി റേ​ഞ്ചി​ലെ കാ​ര്യ​ങ്ങ​ളി​ൽ ഇ​ട​പെ​ടു​ക ദു​ഷ്ക​ര​മാ​ണ്. ര​ണ്ടി​ട​ങ്ങ​ളി​ലും ഒ​രു പോ​ലെ വ​ന്യ​മൃ​ഗ​ങ്ങ​ൾ ജ​ന​വാ​സ കേ​ന്ദ്ര​ങ്ങ​ളി​ലെ​ത്തു​ന്ന പ്ര​ശ്ന​ങ്ങ​ൾ ധാ​രാ​ള​മു​ണ്ട്.

ഡി.​എ​ഫ്.​ഒ​യു​ടെ സ്ഥി​രം ചു​മ​ത​ല​യി​ല്ലാ​ത്ത​ത് സൗ​ത്ത് വ​യ​നാ​ട് ഡി​വി​ഷ​ന്റെ പ്ര​വ​ർ​ത്ത​ന​ത്തെ കാ​ര്യ​മാ​യി ബാ​ധി​ക്കു​ന്നു​ണ്ട്. ജി​ല്ല​യി​ൽ മാ​സ​ങ്ങ​ളാ​യി വ​നം ഉ​ദ്യോ​ഗ​സ്ഥ​രു​ടെ അ​ഭാ​വം കാ​ര്യ​മാ​യി പ്ര​തി​സ​ന്ധി സൃ​ഷ്ടി​ച്ചി​ട്ടും പ​രി​ഹ​രി​ക്കാ​നു​ള്ള ഇ​ട​പെ​ട​ൽ ഇ​തു​വ​രെ ഉ​ണ്ടാ​യി​ട്ടി​ല്ല.

വ​യ​നാ​ട്ടി​ൽ പ​ല​യി​ട​ങ്ങ​ളി​ലും വ​ന്യ​മൃ​ഗ ശ​ല്യം രൂ​ക്ഷ​മാ​ണ്. ഇ​ത്ത​രം അ​വ​സ​ര​ങ്ങ​ളി​ൽ പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കേ​ണ്ട​ത് റേ​ഞ്ച് ഓ​ഫി​സ​ർ​മാ​രാ​ണ്. ആ​ളി​ല്ലാ​തെ വ​രു​മ്പോ​ൾ അ​തു​കൊ​ണ്ട് ത​ന്നെ മു​ഴു​വ​ൻ പ്ര​വ​ർ​ത്ത​ന​ങ്ങ​ളും അ​വ​താ​ള​ത്തി​ലാ​വും.