രാജ്ഭവനിലെ ഭാരതാംബ വിവാദത്തിൽ മന്ത്രി പി പ്രസാദിനെതിരെ ആർ എസ് എസ് പ്രതിഷേധം
ആലപ്പുഴ: രാജ്ഭവനിലെ ഭാരതാംബ ചിത്രം വിവാദത്തിൽ കൃഷിമന്ത്രി പി പ്രസാദിന്റെ വീടിനുമുന്നിൽ ആർഎസ്എസ് പ്രതിഷേധം. ഭാരതാംബയുടെ ചിത്രത്തിനു മുന്നിൽ വിളക്ക് കൊളുത്താൻ ബിജെപി പ്രവർത്തകർ ശ്രമിച്ചു. ഇതിനെതിരെ സിപിഐ പ്രവർത്തകർ എത്തിയതോടെ ഇരുവരും തമ്മിലുള്ള സംഘർഷത്തിനു വഴിതെളിച്ചു.
സംസ്ഥാന സർക്കാരിന്റെ പരിസ്ഥിതി ദിനാഘോഷം രാജ്ഭവനിൽ വച്ച് ഗവർണറും കൃഷിമന്ത്രി പി പ്രസാദും ചേർന്ന് ഉദ്ഘാടനം ചെയ്യാനിരിക്കെ രാജ്ഭവനിലെ ഭാരതാംബയുടെ ചിത്രത്തിൽ പുഷ്പാർച്ചന നടത്തുന്നതിൽ എതിർപ്പ് പ്രകടിപ്പിച്ച് കൃഷിമന്ത്രി പരിപാടി ബഹിഷ്കരിച്ചിരുന്നു. രാജഭവനിലെ സെൻട്രൽ ഹാളിലെ ഭാരതാംബയുടെ ചിത്രം നേരത്തെ ഉള്ളതാണെന്നും അതിനാൽ ചിത്രം നീക്കാൻ ആവില്ലെന്നും ഗവർണർ നിലപാട് സ്വീകരിച്ചു. പിന്നീട് ഗവർണർ സ്വന്തം നിലയ്ക്ക് പരിപാടി നടത്തി ഭാരതാംബയുടെ ചിത്രത്തിന് പുഷ്പാർച്ചന നടത്തി. മന്ത്രി പരിപാടി ബഹിഷ്കരിച്ചതിനെ ഗവർണർ വിമർശിച്ചു. തുടർന്നാണ് സർക്കാർ ഗവർണർ തർക്കം ഉടലെടുത്തത്.
