ഇനിയും വൈകിയാൽ കൃഷി നശിക്കും; മൂ​പ്പെ​ത്തും മുൻപ് കൊ​യ്ത്ത് ആരംഭിച്ച് കർഷകർ

പു​ൽ​പ​ള്ളി: ഇനിയും കാത്തിരുന്നാൽ കൃഷി നശിക്കുമെന്നതിനാൽ നെല്ല് മൂപ്പെത്തും മുൻപ് കൊയ്ത്ത് ആരംഭിച്ച് കർഷകർ. കനത്ത വ​ര​ൾ​ച്ച​യിൽ ജ​ലസേ​ച​ന​ത്തി​ന്റെ അ​ഭാ​വ​ത്താ​ൽ നെ​ൽചെ​ടി​ക​ൾ വ​ള​ർ​ച്ച​യെ​ത്താ​ത്ത​തി​നെ​ത്തു​ട​ർ​ന്നാണ് കൊ​യ്ത്തി​ന്റെ സ​മ​യം വൈ​കിയത്. തുടർ ദി​വ​സ​ങ്ങ​ളി​ൽ മ​ഴ ശ​ക്ത​മാ​കാൻ സാധ്യതയുള്ളതിനാൽ ഇ​നി​യും കാ​ത്തി​രിപ്പു തുടർന്നാൽ കൃ​ഷി ന​ശി​ക്കും. ഇ​തോ​ടെ​യാ​ണ് മു​ള്ള​ൻ​കൊ​ല്ലി പ​ഞ്ചാ​യ​ത്തി​ലെ അ​തി​ർ​ത്തി പ്ര​ദേ​ശ​ങ്ങ​ളി​ലെ വ​യ​ലു​ക​ളി​ൽ കൃ​ഷി​യി​റ​ക്കി​യ ക​ർ​ഷ​ക​ർ നേ​ര​ത്തേ ത​ന്നെ കൊ​യ്ത്ത് ആ​രം​ഭി​ച്ചി​രി​ക്കു​ന്ന​ത്.

പു​ൽ​പ​ള്ളി, മു​ള്ള​ൻ​കൊ​ല്ലി പ​ഞ്ചാ​യ​ത്തു​ക​ളി​ൽ ശ​ക്ത​മാ​യ വ​ര​ൾ​ച്ച​യാ​യി​രു​ന്നു മു​ൻ മാ​സ​ങ്ങ​ളി​ൽ. ഇ​തേ​ത്തു​ട​ർ​ന്ന് വി​വി​ധ കൃ​ഷി​ക​ൾ പ​ല​യി​ട​ത്തും ന​ശി​ച്ചു. ക​ബ​നി തീ​ര​ത്തെ മ​ര​ക്ക​ട​വ്, കൊ​ള​വ​ള്ളി പാ​ട​ശേ​ഖ​ര​ങ്ങ​ളി​ൽ ജ​ല ദൗ​ർ​ല​ഭ്യ​ത്താ​ൽ നെ​ൽ​കൃ​ഷി​ക്കാ​ർ ഏ​റെ പ്ര​യാ​സം അ​നു​ഭ​വി​ച്ചു. ര​ണ്ട് പാ​ട​ശേ​ഖ​ര​ങ്ങ​ളി​ലാ​യി നൂ​റോ​ളം ക​ർ​ഷ​ക​രാ​ണ് നെ​ൽ​കൃ​ഷി​യി​റ​ക്കി​യ​ത്. ക​ർ​ഷ​ക​ർ​ക്ക് ക​ബ​നി ന​ദി​യി​ൽ നി​ന്നും വെ​ള്ള​മെ​ടു​ക്കാ​ൻ സാ​ധി​ച്ചി​രു​ന്നി​ല്ല.

ക​ബ​നി​യി​ലും ജ​ല​നി​ര​പ്പ് പാ​ടെ നി​ല​ച്ചി​രു​ന്നു. ഈ ​സാ​ഹ​ച​ര്യ​ത്തി​ൽ വ​ള​ർ​ച്ച നി​ല​ച്ച നെ​ൽചെ​ടി​ക​ൾ ര​ണ്ടാ​ഴ്ച മു​മ്പ് ല​ഭി​ച്ച വേ​ന​ൽ മ​ഴ​യി​ലാ​ണ് ക​രു​ത്താ​ർ​ജി​ച്ച​ത്. ഇ​നി​യും ര​ണ്ടാ​ഴ്ച ക​ഴി​ഞ്ഞാ​ൽ മാ​ത്ര​മേ നി​ല​വി​ലെ സാ​ഹ​ച​ര്യ​ത്തി​ൽ കൊ​യ്ത്തി​ന് പാ​ക​മാ​വു​ക​യു​ള്ളു. എ​ന്നാ​ൽ, ഇ​നി​യും വൈ​കി​യാ​ൽ മ​ഴ പെ​യ്താ​ൽ അ​വ​ശേ​ഷി​ക്കു​ന്ന കൃ​ഷി കൂ​ടി ഇ​ല്ലാ​താ​കു​മെ​ന്നും ക​ർ​ഷ​ക​ർ പ​റ​യു​ന്നു.

ഈ ​അ​വ​സ്ഥ​യി​ലാ​ണ് പാ​ല​ക്കാ​ടു​നി​ന്നും കൊ​യ്ത്ത് യ​ന്ത്ര​ങ്ങ​ൾ കൊ​ണ്ടു​വ​ന്ന് അ​ടി​യ​ന്ത​ര​മാ​യി കൊ​യ്ത്ത് ന​ട​ത്തു​ന്ന​ത്. ക​ഴി​ഞ്ഞ ദി​വ​സ​ങ്ങ​ളി​ൽ പെ​യ്ത മ​ഴ​യി​ൽ കൊ​യ്ത്ത് ക​ഴി​ഞ്ഞ പാ​ട​ങ്ങ​ളി​ൽ പ​ല​യി​ട​ത്തും മ​ഴ​വെ​ള്ള​ത്തി​ൽ കി​ട​ന്ന് വൈ​ക്കോ​ൽ ന​ശി​ക്കു​ക​യാ​ണ്.