തിരയിൽപ്പെട്ട് കാണാതായി; കൊല്ലത്ത് യുവ നേഴ്സിൻ്റെ മൃതദേഹം കണ്ടെത്തി

കൊല്ലം: തിരയിൽപ്പെട്ട് കൊല്ലം ബീച്ചിൽ കാണാതായ യുവ നേഴ്സിൻ്റെ മൃതദേഹം കണ്ടെത്തി. കൊല്ലം പുന്തലത്താഴം സ്വദേശി അമൽരാജാണ് മരിച്ചത്. കൊല്ലം പോർട്ടിനുള്ളിൽ നിന്നാണ് മൃതദേഹം കിട്ടിയത്. മൃതദേഹം ആശുപത്രിയിലേക്ക് മാറ്റി. പോസ്റ്റ്മോർട്ടത്തിന് ശേഷം കുടുംബത്തിന് വിട്ടുനൽകും.

ഇന്നലെ രാത്രിയോടെ തിരയിൽപ്പെട്ട് അമൽരാജിനെ കാണാതാവുകയായിരുന്നു. തുടർന്ന് തിരച്ചിൽ നടത്തിയെങ്കിലും കണ്ടെത്തിനായിരുന്നില്ല.