കാട്ടുപന്നിയെ ക്ഷുദ്രജീവിയായി പ്രഖ്യാപിക്കണമെന്ന കേരളത്തിന്റെ ആവശ്യം തള്ളി കേന്ദ്രം
ന്യൂഡൽഹി: കാട്ടുപന്നിയെ ക്ഷുദ്രജീവിയായി പ്രഖ്യാപിക്കണമെന്ന കേരളത്തിന്റെ ആവശ്യം കേന്ദ്ര വനം പരിസ്ഥിതി മന്ത്രാലയം തള്ളി. മനുഷ്യജീവന് അപകടം ഉണ്ടാകുന്ന ഘട്ടത്തിൽ കാട്ടുപന്നിയെ കൊല്ലാനുള്ള അധികാരം സംസ്ഥാനത്തിനുണ്ടെന്നും എന്നാൽ ആ അധികാരം സംസ്ഥാനം പ്രയോജനപ്പെടുത്തുന്നില്ലെന്നും കേന്ദ്ര വന പരിസ്ഥിതി മന്ത്രാലയം പറഞ്ഞു. സംരക്ഷിത മൃഗങ്ങളുടെ രണ്ടാം പട്ടികയിലാണ് കാട്ടുപന്നികളെ നിലവിൽ ഉൾപ്പെടുത്തിയിരിക്കുന്നത്.
