റോഡിന്റെ നടുഭാഗത്ത് നിന്നും യന്ത്രഭാഗങ്ങളുടെ സിഗ്നൽ ലഭിച്ചു; അർജുനായുള്ള രക്ഷാദൗത്യം തുടരുന്നു
ബെംഗളൂരു: കർണാടക മംഗളൂരിൽ മണ്ണിടിഞ്ഞ് വീണ് കാണാതായ കോഴിക്കോട് സ്വദേശി അർജുനായുള്ള രക്ഷാദൗത്യം തുടരുന്നു. ശുഭ പ്രതീക്ഷയെന്നവണ്ണം റോഡിന്റെ നടുഭാഗത്ത് നിന്നും യന്ത്രഭാഗങ്ങളുടെ സിഗ്നൽ ലഭിച്ചു. 70% യന്ത്രഭാഗങ്ങൾ തന്നെ ആകാം എന്ന് റഡാർ സംഘം വ്യക്തമാക്കി. സിഗ്നൽ ലഭിച്ച റോഡിന്റെ മധ്യഭാഗത്ത് നിന്ന് കൂടുതൽ മണ്ണ് എടുത്ത് പരിശോധന നടത്തുകയാണ്.
മണ്ണിടിച്ചിലിൽ സിഗ്നൽ ലഭിച്ച ഒരു പ്രത്യേക സ്ഥലം മാർക്ക് ചെയ്ത് മണ്ണെടുക്കാനാണ് തീരുമാനം. റോഡിന്റെ നടുഭാഗത്ത് നിന്നാണ് സിഗ്നൽ ലഭിച്ചിരിക്കുന്നത്. പാറയും മണ്ണും അല്ലാത്ത വസ്തുവിന്റെ സിഗ്നൽ ആണ് കിട്ടിയിരിക്കുന്നതെന്നാണ് വിവരം. അതേസമയം, സിഗ്നൽ ലോറിയുടേതാണെന്ന് ഉറപ്പിക്കാനായിട്ടില്ല.
