‘എന്തൊരു മനുഷ്യനാടോ താൻ..’; ഫണം വിടർത്തി നിൽക്കുന്ന വിഷ പാമ്പുകൾ നിറഞ്ഞ ​ഗുഹയിൽ ഭയമൊട്ടുമില്ലാതെ ഒരാൾ; വീഡിയോ കാണാം..

ഓരോ ദിവസവും സൈബർലോകത്ത് വിചിത്രങ്ങളായ നിരവധി വീഡിയോകളാണ് പ്രചരിക്കുന്നത്. വ്യത്യസ്തതകൾ നിറഞ്ഞ വീഡിയോ ദൃശ്യങ്ങൾ വളരെ വേ​ഗം വൈറലാകാറുമുണ്ട്. ഇപ്പോഴിതാ, അത്തരം ഒരു വീഡിയോയാണ് നെറ്റിസൺസിനെ ഞെട്ടിച്ചിരിക്കുന്നത്. ഫണം വിടർത്തി നിൽക്കുന്ന മൂർഖൻ പാമ്പ് ഉൾപ്പെടെ നിരവധി പാമ്പുകളുള്ള ഒരു ​ഗുഹയിൽ യാതൊരു ഭയവുമില്ലാതെ കയറിയിരിക്കുന്ന മനുഷ്യനാണ് സൈബർ ലോകത്ത് ഇപ്പോൾ ചർച്ചയാകുന്നത്. ali_gholami5752 എന്ന യൂസറാണ് ഈ വീഡിയോ സോഷ്യൽ മീഡിയയിൽ പങ്കുവച്ചിരിക്കുന്നത് .

നിറയെ പാമ്പുകളുള്ള ​ഗുഹ പോലുള്ള ഒരു മുറിയിൽ യാതൊരു ഭയമോ സങ്കോചമോ ഇല്ലാതെ ഇരിക്കുന്ന ഒരാളെ വീഡിയോയിൽ കാണാം. വീഡിയോ തുടങ്ങുമ്പോൾ തന്നെ കാണുന്നത് ആരും ഭയന്ന് കണ്ണടച്ചു പോകുന്ന ഒരു രം​ഗമാണ്. ഒരു മുറിയിൽ നിറയെ പാമ്പുകൾ. അതിൽ പത്തി വിടർത്തി നിൽക്കുന്ന മൂർഖൻ പാമ്പ് വരെയുണ്ട്.
‌
പിന്നെ കാണുന്നത് ഒരാൾ ഒരു വടിയും കുത്തി ആ കൊച്ചുമുറിക്കുള്ളിലേക്ക് ഒരു കുഞ്ഞുവാതിലിലൂടെ കടന്നു വരുന്നതാണ്. അയാൾ പാമ്പുകളുടെ തൊട്ടടുത്തെത്തിയ ശേഷം അവിടെ ഇരിക്കുന്നതും കാണാം. പാമ്പിനെ യാതൊരു പേടിയുമില്ല എന്ന് മാത്രമല്ല, അവയെ കയ്യിലെടുക്കുന്നതും ഒക്കെ വീഡിയോയിൽ വളരെ വ്യക്തമായി തന്നെ കാണാവുന്നതാണ്. അത്യന്തം ഭയം തോന്നുന്ന ഈ വീഡിയോ നിരവധിപ്പേരാണ് കണ്ടതും അതിന് കമന്റുകൾ നൽകിയതും. ഇയാൾക്ക് എന്തൊരു ധൈര്യമാണ് എന്ന് തന്നെയാണ് ഭൂരിഭാ​ഗം പേരും വീഡിയോയ്ക്ക് കമന്റ് നൽകിയിരിക്കുന്നത്.

അതേസമയം, അടുത്തിടെ മധ്യപ്രദേശിൽ നിന്നും ഒരു വിചിത്രമായ വാർത്ത പുറത്ത് വന്നിരുന്നു. ഒരു മൂർഖൻ യുവാവിനെ കടിക്കുകയും യുവാവ് ആശുപത്രിയിലാവുകയും ചെയ്തു. ഈ സമയത്ത് യുവാവിനെ കടിച്ച മൂർഖൻ ചത്തുപോയി എന്നതായിരുന്നു വാർത്ത.