ആ​ന​പ്പാ​പ്പാ​ന്‍മാ​ര്‍ക്കു​ള്ള പിഎ‍സ്‍സി പ​രീ​ക്ഷയിലെ ചോദ്യങ്ങൾ ചർച്ചയായി

ക​ൽ​പ​റ്റ: ആ​ന​പ്പാ​പ്പാ​ന്‍മാ​ര്‍ക്കു​ള്ള പിഎ‍സ്‍സി പ​രീ​ക്ഷയിൽ​ സയൻസും കണക്കും ഇ​ന്ത്യ​ന്‍ ഭരണഘടനയും വന്നു പക്ഷെ ആനയെക്കുറിച്ചുമാത്രം ചോദ്യങ്ങൾ വന്നില്ല. വ​നം​വ​കു​പ്പി​ന് കീ​ഴി​ല്‍ ആ​ന​പ്പാ​പ്പാ​ന്‍മാ​ര്‍ക്കാ​യി ന​ട​ത്തി​യ പി.​എ‍സ്‍.​സി പ​രീ​ക്ഷ​യി​ൽ ആണ് ഇത്തരം ഒരു സംഭവം ഉണ്ടായത്. ആനയെ നോക്കാൻ അറിഞ്ഞിരിക്കേണ്ട പാപ്പാന്മാർ സയൻസും ചരിത്രവും അറിയേണ്ട അവസ്ഥയായി.

ക​ഴി​ഞ്ഞ 14നാ​ണ് എ​റ​ണാ​കു​ളം, വ​യ​നാ​ട് ജി​ല്ല​ക​ളി​ലെ ആ​ന​ക്യാ​മ്പു​ക​ളി​ലേ​ക്കു​ള്ള പാ​പ്പാ​ന്‍മാ​ര്‍ക്കാ​യി പി.​എ​സ്‍.​സി പ​രീ​ക്ഷ ന​ട​ത്തി​യ​ത്.ഇ​ന്ത്യ​ന്‍ സ്വാ​ത​ന്ത്ര്യ​സ​മ​ര​വും ആ​റ്റ​ത്തി​ന്‍റെ ഘ​ട​ന​യും സൗ​ര​യൂ​ഥ​ത്തി​ന്റെ സ​വി​ശേ​ഷ​ത​ക​ളു​മെ​ല്ലാം ചോ​ദി​ച്ചു. സാം​ക്ര​മി​ക രോ​ഗ​ങ്ങ​ളും രോ​ഗ​കാ​രി​ക​ളും സം​ഖ്യ​ക​ളും അ​ടി​സ്ഥാ​ന​ക്രി​യ​ക​ളും വ​ര്‍ഗ​വും വ​ര്‍ഗ​മൂ​ല​വു​മെ​ല്ലാ​മാ​യി​രു​ന്നു ഏ​ഴാം ക്ലാ​സ് അ​ടി​സ്ഥാ​ന യോ​ഗ്യ​ത​യു​ള്ള പ​രീ​ക്ഷ​യു​ടെ സി​ല​ബ​സ്.

എ​ന്നാ​ൽ, ആ​ന​യു​മാ​യോ ആ​ന സം​ര​ക്ഷ​ണ​വു​മാ​യോ പ​രി​ച​ര​ണ​വു​മാ​യോ ബ​ന്ധ​മു​ള്ള ഒ​രു ചോ​ദ്യം​പോ​ലും ആ​ന​പ്പാ​പ്പാ​ൻ​മാ​ർ​ക്കു​ള്ള ചോ​ദ്യ​പേ​പ്പ​റി​ൽ ക​ണ്ടി​ല്ല. ഒ​ന്ന​ര​മ​ണി​ക്കൂ​ര്‍ ദൈ​ര്‍ഘ്യ​മു​ള്ള പ​രീ​ക്ഷ​യു​ടെ ചോ​ദ്യ​പേ​പ്പ​റി​ൽ പാ​ര​പെ​റ്റി​ല്‍ വെ​ച്ചി​രി​ക്കു​ന്ന ചെ​ടി​ച്ച​ട്ടി താ​ഴേ​ക്ക് പ​തി​ക്കു​മ്പോ​ള്‍ ഉ​ണ്ടാ​കു​ന്ന ഊ​ർ​ജ​മാ​റ്റ​മേ​ത് എ​ന്നൊ​ക്കെ ചോ​ദി​ച്ചി​ട്ടു​ണ്ട്.

യു​ദ്ധ​ക്ക​പ്പ​ലാ​യ ഐ.​എ​ന്‍.​എ​സ് മ​ഹീ​ന്ദ്ര​ക്ക് ഇ​ന്ത്യ​യി​ലെ ഏ​ത് സം​സ്ഥാ​ന​ത്തെ മ​ല​നി​ര​ക​ളു​ടെ പേ​രാ​ണ് ന​ല്‍കി​യി​രി​ക്കു​ന്ന​ത്, ഇ​ന്ത്യ​ന്‍ ഭ​ര​ണ​ഘ​ട​ന​യു​ടെ ഏ​ത് ഭാ​ഗ​ത്തി​ലാ​ണ് മൗ​ലി​ക ക​ട​മ​ക​ളെ കു​റി​ച്ച് പ്ര​തി​പാ​ദി​ക്കു​ന്ന​ത് എ​ന്നി​ങ്ങ​നെ​യു​ള്ള ചോ​ദ്യ​ങ്ങ​ളും ഇ​ടം​പി​ടി​ച്ചു.