മദ്യലഹരിയിൽ ട്രാൻസ്ഫോർമറിൽ കയറി വൈദ്യുതി കമ്പിയിൽ പിടിച്ചു; കാസർകോട് മധ്യവയസ്കൻ ഷോക്കേറ്റ് മരിച്ചു

കാസർകോട്: മദ്യലഹരിയിൽ ട്രാൻസ്ഫോമറിൽ കയറിയ മധ്യവയസ്കന് ഷോക്കേറ്റ് ദാരുണാന്ത്യം. കാസർകോട് കാഞ്ഞങ്ങാടാണ് സംഭവം. നയാ ബസാറിലെ തട്ടുകടയിലെ ജീവനക്കാരൻ ഉദയൻ (55) ആണ് മരിച്ചത്. ഉച്ചയ്ക്ക് ഒന്നരയോടെയാണ് സംഭവം.

മദ്യലഹരിയിൽ കോട്ടച്ചേരി പെട്രോൾ പമ്പിന് എതിർ വശത്തെ ട്രാൻസ്ഫോമറിൽ കയറി വൈദ്യുതി കമ്പിയിൽ പിടിക്കുകയായിരുന്നു. ഷോക്കേറ്റ് റോഡിലേക്ക് തെറിച്ചു വീണ ഉദയനെ ആശുപത്രിയിൽ എത്തിച്ചെങ്കിലും മരിച്ചു. കോട്ടയം സ്വദേശിയായ ഉദയൻ 10 വർഷത്തിലേറെയായി കാഞ്ഞങ്ങാട്ടാണ് താമസം.