ലൈംഗികാതിക്രമം നടത്തിയെന്ന് ജീവനക്കാരിയുടെ പരാതി; സ്ഥാപന ഉടമ അറസ്റ്റിൽ
തിരുവനന്തപുരം: ലൈംഗിതാകിക്രമം നടത്തിയെന്ന ജീവനക്കാരിയുടെ പരാതിയിൽ സ്ഥാപന ഉടമ അറസ്റ്റിൽ. കന്യാകുമാരി ജില്ലയിലെ അടയ്ക്കാക്കുഴി, മങ്കുഴി, പുത്തൻ വീട്ടിൽ അഭിലാഷ് ബെർലിൻ (42) നെയാണ് പാറശ്ശാല പൊലീസ് അറസ്റ്റ് ചെയ്തത്. പാറശ്ശാല ഗാന്ധിപാർക്കിന് സമീപം അബി ന്യൂട്രിഷ്യൻ സെന്റർ എന്ന സ്ഥാപനത്തിന്റെ നടത്തിപ്പുകാരനാണ് ഇയാൾ. സ്ഥാപനത്തിൽ പുതുതായി ജോലിക്കെത്തിയ യുവതിയുടെ പരാതിയിലാണ് ഇയാൾക്കെതിരെ പൊലീസ് കേസെടുത്തത്.
സ്ഥാപനത്തിൽ ഈ മാസം 25-ന് ജോലിക്ക് ചേർന്ന ജീവനക്കാരിയെ പൂവാറുള്ള കടകളിലേക്ക് സാധനങ്ങൾ വിൽക്കാനുണ്ട് എന്ന വ്യാജേന കാറിൽ കയറ്റി ഷാപ്പുമുക്ക് ബൈപ്പാസ് ഭാഗത്ത് വച്ച് ലൈംഗിക ഉദ്ദേശ്യത്തോടെ ശരീരഭാഗങ്ങളിൽ സ്പർശിക്കുകയായിരുന്നു. തുടർന്ന് ജീവനക്കാരി പാറശ്ശാല പൊലിസിൽ പരാതി നൽകിയിരുന്നു.
ഇയാൾക്കെതിരെ 2022-ലും പാറശ്ശാല പൊലീസ് സ്റ്റേഷനിലും പോക്സോ കേസിലും പ്രതിയാണ്. കൂടാതെ കാഞ്ഞിരംകുളം, മാരായമൂട്ടം ,സ്റ്റേഷനുകളിലും പോക്സോ കേസുകൾ ഉള്ളതാണ്. പാറശ്ശാല എസ്, ഹെച്ച്, ഓ, സജി .എസ്.എസ് ന്റെ നേതൃത്വത്തിലാണ് അറസ്റ്റ് പ്രതിയെ ‘കോടതിയിൽ ഹാജരാക്കി റിമാൻഡ് ചെയ്തു.
