കോട്ടയത്ത് വിനോദ സഞ്ചാരികളുടെ ട്രാവലര്‍ മറിഞ്ഞു; ഏഴ് പേര്‍ക്ക് പരിക്ക്
കോട്ടയം: കോട്ടയത്ത് വിനോദ സഞ്ചാരികള്‍ സഞ്ചരിച്ച ട്രാവലര്‍ അപകടത്തിൽപ്പെട്ടു. 14 പേരാണ് വാഹനത്തിലുണ്ടായിരുന്നത്. ഇതിൽ ഏഴ് പേർക്ക് പരിക്കേറ്റു. ആരുടെയും പരിക്ക് ഗുരുതരമല്ല.
കോട്ടയം ഇല്ലിക്കൽക്കല്ലിലെത്തി തിരികെ മടങ്ങിയ പോണ്ടിച്ചേരി കാരയ്ക്കല്‍ സ്വദേശികള്‍ സഞ്ചരിച്ച ട്രാവലറാണ് അപകടത്തില്‍പ്പെട്ടത്. മേലടുക്കത്ത് വെച്ചാണ് അപകടം ഉണ്ടായത്. വാഹനത്തിന്‍റെ ബ്രേക്ക് നഷ്ടപ്പെട്ടതായി തുടര്‍ന്നായിരുന്നു അപകടം.
