കര്ഷകനെ കുരുതികൊടുത്തത് പിണറായി സര്ക്കാര്: കെ സുധാകരന് എംപി K Sudhakaran
K Sudhakaran അമ്പലപ്പുഴയില് രാജപ്പന് എന്ന നെല്കര്ഷകനെ കുരുതികൊടുത്തത് സംസ്ഥാന സര്ക്കാരാണെന്ന് കെപിസിസി പ്രസിഡന്റ് കെ.സുധാകരന് എംപി.
സര്ക്കാര് സംഭരിച്ച നെല്ലിന്റെ വില പൂര്ണ്ണമായും നല്കാത്തതു കാരണം സാമ്പത്തിക പ്രതിസന്ധിയിലായാണ് രാജപ്പന് ജീവനൊടുക്കിയത്. എത്രയെത്ര കര്ഷകരെയാണ് ഈ സര്ക്കാര് മരണത്തിലേക്ക് തള്ളിവിട്ടത്.
കൃഷിയില്നിന്നുള്ള വരുമാനം ആശ്രയിച്ച് ഉപജീവനം കണ്ടെത്തുന്ന കുടുംബമാണ് രാജപ്പന്റേത്. ഭാര്യയും മൂന്ന് മക്കളും അടങ്ങുന്ന കുടുംബത്തിന്റെ ഏക ആശ്രയം രാജപ്പനായിരുന്നു. സംഭരിച്ച നെല്ലിന്റെ തുക നല്കുന്നതില് സര്ക്കാര് ഗുരുതമായ വീഴ്ച വരുത്തിയതു കാരണം കൃഷിയിറക്കാന് കഴിയാതെ വരുകയും കാന്സര് രോഗിയായ മകന്റെ ചികിത്സ മുടങ്ങുകയും ചെയ്ത സാഹചര്യത്തില് കടുത്ത മനോവിഷമത്തിലായിരുന്നു രാജപ്പന്.
Also Read: https://nagaramonline.com/comfort-on-the-hill-nipah-test-results...